თბილისი, 30 სექტემბერი — Sputnik. სამეგრელო-ზემო სვანეთის რეგიონში, მარტვილის მუნიციპალიტეტის მეორე საბავშვო ბაგა-ბაღში 15-მდე აღსაზრდელი მოიწამლა, ნათქვამია სურსათის ეროვნული სააგენტოს მიერ გავრცელებულ განცხადებაში.
ბავშვები ამ დროისთვის მარტვილის საავადმყოფოში ღებინებისა და ფაღარათის ჩივილებით არიან გადაყვანილი.
სააგენტოს ცნობით, ინსპექტირების ჯგუფები ადგილზე იმყოფებიან და ბაგა-ბაღის კვების ბლოკში ახორციელებენ ინსპექტირებას, აგრეთვე აიღებენ ნიმუშებს ლაბორატორიული კვლევისთვის.
მომხდარის შესახებ დამატებითი დეტალები ჯერჯერობით უცნობია.
