თბილი სექტემბერი ელისო ვირსალაძის კლასიკური მუსიკის ფესტივალის ფონზე

გამოწერა
НовостиTelegram
ფესტივალზე გაჟღერდება მოცარტის, ბეთჰოვენის, სენ-სანსის, შოპენის, ლისტის და რაველის ნაწარმოებები.

თბილისი, 15 აგვისტო — Sputnik. კლასიკური მუსიკის მეშვიდე საერთაშორისო ფესტივალი Batumi Black Sea Music and Art Festival-ი, რომლის დამფუძნებელი ცნობილი ქართველი პიანისტი და „იუნესკოს მშვიდობის არტისტი" ელისო ბოლქვაძეა, ბათუმში 1-10 სექტემბრის პერიოდში ჩატარდება, იუწყებიან ორგანიზატორები.

ბახმარო - Sputnik საქართველო
დაემშვიდობე ზაფხულის მზეს: ბახმარო ელექტრონული მუსიკის ფესტივალს უმასპინძლებს

წელს ფესტივალზე სიახლეა - იგი პირველად გაიმართება საქართველოს პრეზიდენტის, სალომე ზურაბიშვილისა და საქართველოს მთავრობის პატრონაჟით.

ათი დღის განმავლობაში საკურორტო ქალაქი კლასიკური მუსიკის ცენტრად გადაიქცევა. ელისო ბოლქვაძის მიწვევით აჭარის დედაქალაქში კლასიკური მუსიკის მსოფლიო ვარსკვლავები მოიყრიან თავს.

ბათუმის ი. ჭავჭავაძის სახელობის სახელმწიფო დრამატული თეატრის სცენაზე პუბლიკის წინაშე წარდგებიან იტალიელი გიტარისტი კლაუდიო პიასტრა და ფლეიტისტი ლუიზა სელო, ასევე ფრანგი პიანისტი ლიდი სოლომონი, რუსი პიანისტები ალექსანდრა მასალევა, ალექსანდრ გაჯიევი და სხვები.

საფესტივალო საღამოებზე გაჟღერდება მოცარტის, ბეთჰოვენის, სენ-სანსის, შოპენის, ლისტის და რაველის ნაწარმოებები.

თაფლის ფესტივალი ბათუმში - Sputnik საქართველო
ბათუმის ბულვარმა თაფლის ფესტივალს უმასპინძლა

ფესტივალის ერთ-ერთი ამოცანა ახალგაზრდა ნიჭიერი ქართველი მუსიკოსების მხარდაჭერაა. ამიტომ მსოფლიოს ვარსკვლავები ფესტივალზე ექსკლუზიურ მასტერ-კლასებს ჩაატარებენ.

სემინარებში მონაწილეობა შეუძლიათ საქართველოს ნებისმიერი რეგიონის ახალგაზრდა მუსიკოსებს. საუკეთესოებს საშუალება მიეცემათ საკუთარი შესაძლებლობები წარმოაჩინონ საერთაშორისო პროგრამებში და სხვადასხვა ქვეყნის საკონცერტო დარბაზებში დაუკრან.

გარდა ამისა, საქართველოს განათლების, მეცნიერების, კულტურისა და სპორტის სამინისტროს მხარდაჭერით, ფესტივალის ფარგლებში ახალგაზრდებისთვის არტ-ბანაკი იფუნქციონირებს - იგი საქართველოს მასშტაბით ასობით ახალგაზრდა მუსიკოსს შეკრებს.

ყველა ახალი ამბავი
0