საქართველოს მღვიმეებსა და კანიონებში შესვლა გაძვირდა

გამოწერა
ამიერიდან საქართველოს დაცულ ტერიტორიებზე შესვლის მინიმალური საფასური 8 ლარიდან იწყება

თბილისი, 4 მაისი — Sputnik. საქართველოს მღვიმეებსა და კანიონებში შესვლის ღირებულება 10-15%-ით გაიზარდა, ნათქვამია დაცული ტერიტორიების სააგენტოს Facebook-გვერდზე გავრცელებულ განცხადებაში.

მთიანი აჭარა რეკორდებს ამყარებს – რეგიონით სულ უფრო მეტი ტურისტია დაინტერესებული >>

გაძვირებულია ბილეთები ოკაცეს კანიონში და ოკაცეს ჩანჩქერზე (სოფელ კინჩხი), მარტვილის კანიონში, სათაფლიას აღკვეთილში, სადაც სათაფლიას მღვიმე მდებარეობს, ასევე პრომეთეს და ნავენახევის მღვიმეებში.

ამიერიდან საქართველოს დაცულ ტერიტორიებზე შესვლის საფასური საქართველოს მოქალაქეებისთვის 8-11,5 ლარს შეადგენს, სხვა ქვეყნის მოქალაქეებისთვის ბილეთის ფასი 11,5 ლარიდან 23 ლარამდე მერყეობს.

ძველი შენობა თბილისში - Sputnik საქართველო
სასტუმროებს საქართველოში შესაბამის ვარსკვლავებს მიანიჭებენ

დაცული ტერიტორიების სააგენტო გაძვირების მიზეზად ელექტრონული ბილეთების სისტემის დანერგვას ასახელებს. ახალი პროგრამა სატესტო რეჟიმში 3 მაისს ამოქმედდა. სააგენტო ვარაუდობს, რომ აღნიშნული სიახლე მნიშვნელოვნად გააუმჯობესებს ვიზიტორთა მომსახურების ხარისხს.

ამ დაცული ტერიტორიების ვიზიტორთა ცენტრებში შესაბამისი ინფრასტრუქტურა მოეწყო. დამონტაჟდა გამშვები ტურნიკეტები, ვიდეო-სამეთვალყურეო სისტემა, ბილეთის საბეჭდი აპარატები, ასევე სალაროსთან ლოდინის რეჟიმის განტვირთვის მიზნით, ბილეთის ყიდვის სწრაფი აპარატები.

მიმდინარე წლის იანვარ-აპრილში უცხოელებმა საქართველოში 2,2 მილიონზე მეტი ვიზიტი განახორციელეს, რაც გასული წლის იმავე პერიოდთან შედარებით 2,9%-ით მეტია.

კუს ტბა და მთაწმინდა ერთმანეთს საფეხმავლო ბილიკით დაუკავშირდება >>

იანვარ-აპრილში ტურისტული ვიზიტების რაოდენობამ 1,2 მილიონს გადააჭარბა (+4,8%).

ვიზიტების განსაკუთრებული ზრდა დაფიქსირდა უზბეკეთიდან (+125,7%), ტაილანდიდან (+97,5%), ყაზახეთიდან (+89,1%), თურქმენეთიდან (+52,1%), ჩინეთიდან (+30,6%), არაბეთის გაერთიანებული საამიროებიდან (+26,3%).

© Sputnik / Konstantin Ivanovტურიზმი საქართველოში
საქართველოს მღვიმეებსა და კანიონებში შესვლა გაძვირდა - Sputnik საქართველო
ტურიზმი საქართველოში
ყველა ახალი ამბავი
0