შევცოტავდით – გამოქვეყნდა საქართველოს დემოგრაფიული სტატისტიკა

© Sputnik / Denis Aslanovთბილისის ქუჩებში
თბილისის ქუჩებში - Sputnik საქართველო
საქართველოში ყოველი მესამე ადამიანი თბილისში ცხოვრობს.

თბილისი, 1 მაისი — Sputnik. საქართველოს მოსახლეობა, 2019 წლის 1 იანვრის მონაცემებით, 0,2%-ით შემცირდა 2018 წლის 1 იანვრის მონაცემებთან შედარებით, ნათქვამია საქართველოს სტატისტიკის ეროვნული სამსახურის „საქსტატის" მასალებში.

უწყების მონაცემებით, მოსახლეობის შემცირება გამოწვეულია უარყოფითი მიგრაციული სალდოთი მოსახლეობის დადებითი ბუნებრივი მატების ფონზე.

საქართველოში შობადობა 4%-ით შემცირდა>>

სტატისტიკის სამსახურის ინფორმაციით, 2018 წელს საქართველოში იმიგრირებული იყო 88,2 ათასი ადამიანი, ქვეყნიდან კი წავიდა 98,9 ათასზე მეტი. მიგრაციული სალდო აღმოჩნდა უარყოფითი და შეადგინა დაახლოებით 10,7 ათასი. ამასთან, ემიგრანტების რიცხვი გაიზარდა 15,8%-ით, ხოლო იმიგრანტების რაოდენობა – 5,9%-ით.

მიგრაცია საქართველოში 2018 წელს

მოქალაქეობა იმიგრანტები ემიგრანტები

სულ

მათ შორის

88 152 98 935
საქართველო 47 883 76 367
რუსეთი 10 323 6 350
თურქეთი 3 934 2 768
ირანი 3 798 385
აზერბაიჯანი 3 761 1 948

ქვეყნიდან წასულების საერთო რიცხვიდან შრომისუნარიან ასაკში (15-დან 64 წლამდე) ემიგრირებულია 86,6%, ხოლო შემოსულების საერთო რიცხვიდან – იმიგრირებულია 84,5%.

უვიზო რეჟიმი და დემოგრაფია - საქართველოდან მიგრაციის საფრთხეები>>

ამასთან, „საქსტატის" მონაცემებით, მოსახლეობის ბუნებრივი მატება 2018 წელს იყო დაახლოებით 4,6 ათასი ადამიანი. გასულ წელს დაიბადა 51,1 ათასი ბავშვი, ხოლო გარდაიცვალა 46,5 ათასზე მეტი ადამიანი.

სად ცხოვრობს მოსახლეობა საქართველოში

„საქსტატის" თანახმად, მოსახლეობის მესამედზე მეტი თბილისში ცხოვრობს – დაახლოებით 1,2 მილიონი მოქალაქე.

რაც შეეხება რეგიონებს, მოსახლეობის ყველაზე მეტი რაოდენობაა იმერეთში (497,4 ათასი), ქვემო ქართლში (433,2 ათასი) და აჭარაში (349 ათასი).

რიყის პარკი - Sputnik საქართველო
ვიქნებით თუ არა ხვალ?!

სოფლად მცხოვრებია 1,5 მილიონზე მეტი ადამიანი, რაც მთელი მოსახლეობის 41,3%-ს შეადგენს.

მოსახლეობის ასაკი და სქესი

სტატისტიკური მონაცემების თანახმად, ქვეყნის მოსახლეობის 64,9%-ს შეადგენს 15-დან 65 წლამდე ადამიანები, 65 წელს ზევით – 14,8%-ს. ქვეყნის მოსახლეობის საშუალო ასაკია 37 წელი.

რაც შეეხება სქესს, საქართველოში უფრო მეტი ქალი ცხოვრობს, ვიდრე მამაკაცი. 1 იანვრის მონაცემებით, 1,7 მილიონ მამაკაცზე მოდის 1,9 მილიონზე მეტი ქალი, რაც ნიშნავს, რომ ყოველ 100 ქალზე მოდის 92,7 მამაკაცი.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური