საქართველოს ხუთ რეგიონში 2019 წელს ხეებს დათვლიან

© photo: National Hiking Federation / FBმტირალას ეროვნული პარკი
მტირალას ეროვნული პარკი - Sputnik საქართველო
გამოწერა
НовостиTelegram
მთავრობამ საქართველოს ტყის კოდექსი უკვე შეიმუშავა და პარლამენტს წარუდგინა

თბილისი, 7 მარტი — Sputnik. 2019 წელს საქართველოს ხუთ რეგიონში გერმანიის მთავრობის მიერ გამოყოფილი გრანტის ფარგლებში ტყის ინვენტარიზაცია ჩატარდება, ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა პარლამენტში, „მინისტრის საათის“ ფარგლებში სიტყვით გამოსვლისას განაცხადა.

ტყეების ეროვნული აღრიცხვა მანამდე არასდროს ჩატარებულა.

ბორჯომის ტყეში 120 ათასი წიწვოვანი ხე დაირგო >>

„ქვეყანაში პირველად ინერგება ტყის ეროვნული აღრიცხვა (ინვენტარიზაცია) და ის საფუძვლად დაედება მონიტორინგის სისტემის შექმნას და ტყის შესახებ მონაცემების მუდმივ განახლებას. ტყის აღრიცხვის პირველი სამუშაოები კახეთის, გურიის, მცხეთა-მთიანეთის, შიდა ქართლისა და ქვემო ქართლის რეგიონებში დაიწყება“, - განაცხადა დავითაშვილმა.

მისი თქმით, საქართველოს მთავრობა ქვეყნის ტყეებზე სერიოზულად იზრუნებს და მან ტყის კოდექსი პარლამენტს უკვე წარუდგინა.

ბორჯომის ტყე ხანძრის შემდეგ - Sputnik საქართველო
ბორჯომის ნახანძრალი ტყის მასივის გაწმენდითი სამუშაოები დასასრულს მიუახლოვდა

ეს კოდექსი არეგულირებს საკითხებს, რომლებიც უკავშირდება ტყეების კლასიფიკაციას, მათ გამოყენება-გაჩეხვას და ტყის მართვის სისტემის შექმნის საფუძველს წარმოადგენს.

ამ მიზნით ტყის ეროვნულმა სააგენტომ განახორციელა ახალგაზრდა სპეციალისტების გადამზადების პროგრამის ინიცირება, რომელიც 16 ახალგაზრდას გადამზადებისა და ლაგოდეხსა და ახმეტაში არსებული ტყის მასივების ტერიტორიაზე ტყის აღრიცხვის სამუშაოებში ჩართვის შესაძლებლობას მისცემს.

ტყის აღრიცხვის ფარგლებში ჩატარდება მრავალმიზნობრივი ინვენტარიზაცია, რომელიც ტყეების განვითარება-დეგრადაციის, მათი მრავალფეროვნების, კლიმატური ცვლილებების ზეგავლენის შესახებ მონაცემების შეგროვების შესაძლებლობას იძლევა.

მოიჭრას თუ არა ტყე - საქართველოს ხელისუფლება ამ საკითხს აგვისტოში გადაწყვეტს >>

საქართველოს სატყეო ფონდი 2,9 მილიონ ჰექტარის ტერიტორიას იკავებს, საიდანაც 2,7 მილიონი ჰექტარი დაფარულია ტყეებით, რომლებიც ქვეყნის ტერიტორიის 40%-ს შეადგენს.

ყველა ახალი ამბავი
0