თბილისი, 1 თებერვალი - Sputnik. თბილისის სახელმწიფო სამედიცინო უნივერსიტეტის წინ ბედნიერების ძეგლი დაიდგა, იუწყება ტელეკომპანია Imedi.
ძეგლი არქიტექტორმა ლევან ვარდოსანიძემ შექმნა, იდეის ავტორი კი პროფესორი არსენ გვენეტაძეა.
ძეგლზე დატანილია ოლიმპიურ ფერებში შეღებილი ხუთი რკალი, რაც ხუთ კონტინენტს ნიშნავს. ძეგლის თავზე გამოსახულია ნოტები და სამეცნიერო სიმბოლიკა – მეცნიერებისა და ხელოვნების სინთეზის საილუსტრაციოდ, თავზე კი სკულპტურას დიდი მზის ფიგურა ადგას.
„ეს იდეა წლინახევრის წინ დამებადა. ლევან ვარდოსანიძემ ესკიზი შექმნა. უნივერსიტეტმა და ყველა იმ ადამიანმა, რომელსაც სიამოვნება და ბედნიერება მხოლოდ თავისთვის არ უნდა, უზრუნველყო მისი დადგმა“, – განაცხადა არსენ გვენეტაძემ.
2018 წელს საქართველომ ბედნიერების ინდექსით რეიტინგში, რომელიც სპეციალურად მომზადდა გაეროსთვის, მსოფლიოს 156 ქვეყანას შორის 128-ე ადგილი დაიკავა.
