თბილისი, 22 დეკემბერი — Sputnik. ავტოსაგზაო შემთხვევა მოხდა გორი-კარალეთის გზაზე, იუწყება ტელეკომპანია Imedi.
შემთხვევა რესტორან „ნაჭარმაგევთან“ დღეს, შუა დღით მოხდა.
გავრცელებული ინფორმაციით, 83 წლის მამაკაცს გზაზე გადასვლისას დიდი სისწრაფით მოძრავი ავტომობილი დაეჯახა.
მამაკაცი ადგილზე გარდაიცვალა.
შსს-ს ინფორმაციით, გამოძიება სსკ-ის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
