თბილისი, 15 ნოემბერი — Sputnik. რუმინეთის პოლიციამ ბუქარესტში აღმოაჩინა სამი ბინა, რომლებშიც 15 ათასამდე მიგრანტი იყო დარეგისტრირებული, იუწყება ქალაქის პოლიციის სამმართველოს პრეს-სამსახური.
როგორც სამართალდამცველების მიერ გავრცელებულ განცხადებაშია ნათქვამი, არსებობს საფუძვლიანი ეჭვი, რომ ორი დანაშულებრივი დაჯგუფება 150-200 ევროს სანაცვლოდ უცხოეთის მოქალაქეებს რუმინეთის მოქალაქეობის მიღებაში ეხმარებოდა და მათ ერთსა და იმავე მისამართებზე არეგისტრირებდა.
„ამ დროისათვის გამოვლენილია დაახლოებით 15 ათასი ადამიანი, რომლებიც დედაქალაქში სამ მისამართზე არიან რეგისტრირებული“, — განმარტეს პოლიციაში.
ბუქარესტის პოლიციის სამმართველომ დღეს, დილით ჩხრეკა ჩაატარა აღნიშნულ მისამართებზე და ცხრა პირი დააკავა.
რუმინეთის კანონმდებლობის თანახმად, უცხოეთის მოქალაქეს ქვეყნის შიდა პასპორტის მისაღებად, მაგალითად, მოქალაქეობის შეცვლისას, აუცილებლად ესაჭიროება ქვეყანაში საცხოვრებელი ადგილის მიხედვით რეგისტრაცია.
