თბილისი, 9 სექტემბერი — Sputnik. ქუთაისში, გორას დასახლებაში 3 000 წლის წინანდელი თავდაცვითი თხრილი აღმოაჩინეს, იუწყება პირველი არხი.
სპეციალისტების ვარაუდით, ათი მეტრის სიგრძის და ექვსი მეტრის სიღრმის თხრილი 3 000 წლის წინანდელი უნდა იყოს.
„სამუშაოებისას გამოვლინდა მრავალფეროვანი დენდროლოგიური მასალა – სხვადასხვა ხის ნაშთები, ვაზის მტევნის წიპწები და ლეღვის კურკები. ასევე, კოლხური ცულის ყალიბის ფრაგმენტი“, – განუცხადა პირველ არხს არქეოლოგმა შალვა ბუაძემ.
ტერიტორიაზე გათხრები გრძელდება. აღსანიშნავია, რომ ადგილზე ქართულ-პოლონური ექსპედიცია მუშაობს.
როგორც ცნობილია, თხრილები ეწყობოდა ციხე-სიმაგრეების, სასახლეების და სხვა საფორტიფიკაციო ნაგებობების ირგვლივ როგორც თავდაცვითი სისტემის ნაწილი და ხშირად წყლით იყო სავსე.
ფიტარეთის მონასტრის მახლობლად უძველესი ნამონასტრალი აღმოაჩინეს >>
XX საუკუნეში თავდაცვითი თხრილების მოწყობის იდეამ გაგრძელება ტანკსაწინააღმდეგო თხრილების სახით ჰპოვა.
