სარფში მოსახლეობა კაზინოს მშენებლობის წინააღმდეგია

© Pixabay / PIRO4Dსამორინე
სამორინე - Sputnik საქართველო
გამოწერა
2018-2020 წლებში საქართველოში 9 კაზინოს გახსნა იგეგმება

თბილისი, 6 მაისი — Sputnik. სარფში ადგილობრივმა მოსახლეობამ კაზინოს მშენებლობა გააპროტესტა,  იუწყება ტელეკომპანია „იმედი“ (Imedi).

აქციის მონაწილეების ინფორმაციით, სამორინე სკოლისა და ეკლესიის მიმდებარედ უნდა აშენდეს, რაც მათი აზრით, დაუშვებელია. მოსახლეობამ ადგილობრივი ხელისუფლებისგან კაზინოს სხვა ადგილას აშენება მოითხოვა.

სამორინე - Sputnik საქართველო
საქართველოში ონლაინ-კაზინოში თამაში შეიძლება 21 წლამდე ასაკის პირებს აეკრძალოთ

ხელვაჩაურის მუნიციპალიტეტის მერიაში კი აქციის მონაწილეების მოთხოვნის საპასუხოდ განაცხადეს, რომ კაზინოს მშენებლობა ჯერ გადაწყვეტილი არ არის.

ტელეკომპანია „იმედი“ ორგანიზაცია G&T-ის მიერ ჩატარებული კვლევებზე დაყრდნობით იუწყება, რომ 2018-2020 წლებში  საქართველოში ცხრა ახალი კაზინოს გახსნაა დაგეგმილი.  

კვლევების თანახმად, ბოლო წლების განმავლობაში ბათუმსა და თბილისში კაზინოების ბიზნესი სწრაფად განვითარდა. 

მაგალითად, ბათუმში 10 კაზინოა და კიდევ ხუთის გახსნა იგეგმება. სამი კაზინო უნდა გაიხსნას თბილისში, ხოლო  ერთი — კურორტ გოდერძიზე.

სამორინე - Sputnik საქართველო
ქუთაისის ერთ-ერთ სამორინეში მამაკაცი გარდაიცვალა

საქართველოში სათამაშო ბიზნესის განვითარებისთვის ერთ-ერთი ხელშემწყობი ფაქტორი ის არის, რომ მეზობელ ქვეყნებში კაზინოები ან აკრძალულია, ან მკაცრი რეგულაციებია დაწესებული. მხოლოდ აჭარაში 2016 წელს კაზინოების ვიზიტორების 76% უცხოელი იყო.

რაც შეეხება ონლაინ-კაზონოებს, საქართველოს პარლამენტში მათთან დაკავშირებული რეგულაციების გამკაცრებაზე საუბრობენ.

ყველა ახალი ამბავი
0