აზიურ ფაროსანასთან ბრძოლის მიზნით წამლობის ღონისძიებები იწყება

© FB / National Food Agencyფერომონების მოწყობა აზიური ფაროსანისთვის
ფერომონების მოწყობა აზიური ფაროსანისთვის - Sputnik საქართველო
გამოწერა
ამჟამად მიმდინარეობს ქიმიური დამუშავება იმ ფართობების, სადაც დამჭერებზე მავნებლის ზღვრული ოდენობა დაფიქსირდა.

თბილისი, 29 აპრილი — Sputnik. აზიურ ფაროსანასთან ბრძოლის მიზნით, სურსათის ეროვნული სააგენტო იწყებს წამლობით ღონისძიებებს 30 აპრილს, დილის 7 საათიდან, იუწყება ტელეკომპანია Imedi.

აზიური ფაროსანა საქართველოში 2015 წელს გამოჩნდა. ფაროსანამ გასულ წელს სერიოზული ზარალი მიაყენა დასავლეთ საქართველოს სოფლის მეურნეობას. მათ არა მარტო გაანადგურეს მოსავალი, არამედ საცხოვრებელი სახლებშიც შევიდნენ. ოქტომბერში აზიური ფაროსანა თბილისშიც გამოჩნდა.

აზიური ფაროსანა - Sputnik საქართველო
როდის დაიწყება აზიური ფაროსანას საწინააღმდეგო ღონისძიებები

უსაფრთხოების ზომების დაცვის მიზნით, სამუშაოების დაწყების შესახებ ადგილობრივი მუნიციპალიტეტების მიერ წინასწარ ეცნობება მოსახლეობას. წამლობითი ღონისძიებები ჩატარდება: სამეგრელოს, გურიის და იმერეთის რეგიონების სოფლებში. კერძოდ:

ზუგდიდში — ცაიში და შამგონა; ხობში — საგვიჩიო; სენაკში — დიდიხორში და მენჯი; აბაშაში — კეთილარი, პირველი მაისი და სუჯუნა; ლანჩხუთში — ნიგოითი, ქვიანი და ჯაპანა; ვანში — ყუმური, შუამთა, ჭვიში და ჯაგანჭვიში; სამტრედიაში — ტოლები, დაბლაგომი და საჯავახო.

სოფლების ტერიტორიები თერმული ნისლის ტექნოლოგიის გამოყენებით დამუშავდება. 

ფაროსანასთან ბრძოლა - Sputnik საქართველო
რომელი პრეპარატები უნდა გამოიყენოთ აზიურ ფაროსანასთან საბრძოლველად

ქიმიურ წამლობის არეალი და ვადა მონიტორინგის საფუძველზე განისაზღვრება. სურსათის ეროვნული სააგენტო აფრთხილებს მოსახლეობას, წამლობის დასრულებამდე არ გამოუშვან სკებიდან ფუტკარი.

ამჟამად მიმდინარეობს ქიმიური დამუშავება იმ ფართობების, სადაც დამჭერებზე მავნებლის ზღვრული ოდენობა დაფიქსირდა.

სახელმწიფოს მიერ მობილიზებულია 150 ერთეული მაღალი გამავლობის სპეციალიზებული ტექნიკა, რომელიც უკვე გადანაწილებულია სამეგრელოს, გურიის და იმერეთის მუნიციპალიტეტების მიხედვით. არსებული რესურსით შესაძლებელია 250 ათასი ჰექტარი ფართობის ოთხჯერ დამუშავება. 

 

ყველა ახალი ამბავი
0