თბილისი, 23 იანვარი — Sputnik. ბახტრიონის ქუჩაზე შეიარაღებული პირები ერთ-ერთ ოჯახს გუშინ, გვიან ღამით თავს დაესხნენ, იუწყება ტელეკომპანია Rustavi 2.
გავრცელებული ინფორმაციით, დამნაშავეები შემთხვევის ადგილიდან მალე მიიმალნენ. ამჟამად მიმდინარეობს საგამოძიებო მოქმედებები.
ადგილზე გვიან ღამემდე მუშაობდნენ კინოლოგები და ექსპერტ-კრიმინალისტები.
როგორც „Sputnik საქართველოს“ შინაგან საქმეთა სამინისტროში განუცხადეს, გამოძიება მიმდინარეობს 179-ე მუხლით, რაც გულისხმობს ყაჩაღობას და ითვალისწინებს ხუთიდან შვიდ წლამდე ვადით თავისუფლების აღკვეთას.
