თბილისი, 4 იანვარი — Sputnik. ორთაჭალაში, ბერძნის ქუჩაზე მომხდარი სროლის შედეგად ახალგაზრდა მამაკაცი გუშინ ღამით დაჭრეს, იუწყება ტელეკომპანია Rustavi 2.
გავრცელებული ინფორმაციით, ბერძნის ქუჩის მცხოვრებლებმა გასროლის ხმა დაახლოებით 19:00 საათზე გაიგონეს. დაშავებული სასწრაფო დახმარების ბრიგადამ საავადმყოფოში გადაიყვანა.
შემთხვევის ადგილზე ექსპერტ–კრიმინალისტები იყვნენ მობილიზებული.
დამნაშვემ მიმალვა შეძლო.
შსს-ს ინფორმაციით, გამოძიება მიმდინარეობს სსკ-ის 19-108 მუხლით, რაც გულისხმობს განზრახ მკვლელობის მცდელობას და ითვალისწინებს 7-დან 15 წლამდე ვადით თავისუფლების აღკვეთას.