თბილისი, 13 ნოემბერი — Sputnik. ესპანეთში ბინების ქურდობაში ეჭვმიტანილი 46 წლის ქართველი მამაკაცი დააკავეს, იუწყება ტელეკომპანია Rustavi2.
10 ნოემბერი 2017, 10:37
ესპანელმა სამართალდამცველებმა საქართველოს მოქალაქე ვალენსიაში ჩატარებული სპეცოპერაციის შედეგად დააკავეს.
ადგილობრივი მასმედიის ინფორმაციით, ეჭვმიტანილს 33 ბინის გაქურდვაში ედება ბრალი.
გამოძიების ცნობით, დაკავებულს ბინებიდან ფული და ძვირფასეულობა გაჰქონდა, ნივთების საერთო ღირებულება ასობით ათას ევროს შეადგენს.
ამ დროისთვის გრძელდება გამოძიება ეჭვმიტანილის შესაძლო თანამზრახველების გამოვლენის მიზნით.
