თბილისი, 8 ნოემბერი — Sputnik. საქართველოში ჩადენილი მკვლელობისთვის ინტერპოლით ძებნილი პირი ავსტრიაში დააკავეს, იუწყება ტელეკომპანია Rustavi2 ავსტრიის ადგილობრივ საინფორმაციო საშუალებებზე დაყრდნობით.
გავრცელებული ინფორმაციით, 43 წლის მამაკაცი ავსტრიის სპეციალური დანაყოფი „კობრას" მებრძოლებმა ქალაქ ლინცში აიყვანეს.
დაკავებულის ვინაობას სამართალდამცველები არ ასახელებენ. თუმცა, მასმედიით გავრცელებული ინფორმაციით, საქმე 1999 წელს მომხდარ მკვლელობას უკავშირდება.
მამაკაცი ყალბი პირადობის მოწმობით ავსტრიაში წლების განმავლობაში ცხოვრობდა. მას საქართველოში ექსტრადირებისთვის ამზადებენ.
