დიდმა ბრიტანეთმა საქართველოში სავაჭრო წარმომადგენელი პირველად დანიშნა

© photo: Ministry of Foreign Affairs of Georgia / FBსაქართველოს და დიდი ბრიტანეთის დროშები
საქართველოს და დიდი ბრიტანეთის დროშები - Sputnik საქართველო
გამოწერა
НовостиTelegram
დიდი ბრიტანეთის მთავრობამ საქართველოში მნიშვნელოვანი სავაჭრო და საინვესტიციო შესაძლებლობები გამოავლინა.

თბილისი, 18 სექტემბერი — Sputnik. ქართულ-ბრიტანული ურთიერთობების გაღრმავების მიზნით საქართველოში პირველად დაინიშნა დიდი ბრიტანეთის სავაჭრო წარმომადგენელი მარკ პრიტჩარდი, რომელიც ორმხრივი სავაჭრო-საინვესტიციო თანამშრომლობის გააქტიურებაზე იმუშავებს, საცნობეს საინფორმაციო სააგენტო Новости-Грузия-ს საქართველოს საგარეო საქმეთა სამინისტროში.

საქართველოს საგარეო საქმეთა მინისტრი თამარ ბერუჩაშვილი - Sputnik საქართველო
დიდ ბრიტანეთში საქართველოს ელჩი ევრაზიიდან საუკეთესო დიპლომატად აღიარეს

მარკ პრიტჩარდი საქართველოში დიდი ბრიტანეთის სავაჭრო წარმომადგენლის რანგში მონაწილეობას მიიღებს 2017 წლის ოქტომბერში ლონდონში დაგეგმილ უორდროპის სტრატეგიულ დიალოგში, რომელშიც ქართველი და ბრიტანელი ბიზნესმენებიც იქნებიან ჩართული, იუწყება ქართული მასმედია.

მარკ პრიტჩარდი, რომელიც სავაჭრო წარმომადგენლის თანამდებობას და პარლამენტის დეპუტატობას შეითავსებს, ფორმალურად ლიამ ფოქსის (დიდი ბრიტანეთის საერთაშორისო ვაჭრობის მინისტრი) საერთაშრისო ვაჭრობის დეპარტამენტს დაექვემდებარება.

დიდი ბრიტანეთის სავაჭრო წარმომადგენლის ფუნქციას პრემიერ-მინისტრის მიერ დანიშნული დეპუტატები ითავსებენ. მათ ფუნქციაში შედის ჩართულობა ერთ ან მეტ განვითარებად ბაზარზე, სადაც დიდი ბრიტანეთის მთავრობამ მნიშვნელოვანი სავაჭრო და საინვესტიციო შესაძლებლობები გამოავლინა.

მშენებლობა თბილისში - Sputnik საქართველო
საქართველოში ინვესტიციები შემცირდა

"წარმომადგენლები ხელს უწყობენ მათი დაფარვის ქვეყნებში ეკონომიკურ ზრდას დიდ ბრიტანეთსა და აღნიშნულ ქვეყანას შორის ეკონომიკური ურთიერთობის გაღრმავებით და ორმხრივი ვაჭრობის მაქსიმალურად გაზრდის ხელშეწყობით", — აცხადებენ საგარეო უწყებაში.

დიდ ბრიტანეთში სავაჭრო წარმომადგენლის პროგრამა 2012 წლიდან არსებობს და ამჟამად 50-ზე მეტ ბაზარზე 28 სავაჭრო წარმომადგენელი მუშაობს.

დიდი ბრიტანეთი საქართველოში 2017 წლის პირველ ნახევარში მსხვილი ინვესტორების სამეულში შედის. მიმდინარე წლის იანვარ-ივნისში დიდი ბრიტანეთიდან საქართველოში შემოვიდა 111,6 მილიონი აშშ დოლარი — საერთო ინვესტიციების 15% და გასულ წელთან შედარებით 13,5%-ით მეტი.

ყველა ახალი ამბავი
0