თბილისი, 12 სექტემბერი — Sputnik. კახეთის შვიდ სოფელს წუხელ ძლიერი ქარი და სეტყვა დაატყდა თავს, იუწყება ტელეკომპანია Rustavi2.
სეტყვამ თელავისა და ლაგოდეხის რაიონების სოფლებში დააზიანა ხილის ბაღები, ვენახები და ნათესები. ამას გარდა, გრიგალმა სახურავი გადახადა გრიშიკაშვილების სახლს.
ადგილობრივი მოსახლეობის თქმით, უამინდობა დაახლოებით 20 წუთს გრძელდებოდა.
ამჟამად ყველაზე დაზარალებულ ადგილებზე სპეციალური კომისია მუშაობს. უფრო დეტალური სურათი დღის ბოლოს გახდება ცნობილი, განაცხადეს ადგილობრივი ხელისუფლების წარმომადგენლებმა.
უამინდობამ — სეტყვამა და ქარმა წუხელ განსაკუთრებით კახეთის სოფლები კურდღელაური და ნასამხრალი დააზიანა. ჯერჯერობით ზარალის ოდენობა უცნობია.