თბილისი, 5 ივლისი — Sputnik. ახალგაზრდა ცოლ-ქმარი ბუნებრივი აირით მოწამვლის შედეგად დაიღუპა. ისინი ჩუბინაშვილის ქუჩაზე ცხოვრობდნენ, იუწყება ტელეკომპანია „რუსთავი2".
წინასწარი მონაცემებით, აირის გაჟონვის მიზეზი გაუმართავი წყლის გამაცხელებელი გახდა.
ერთ-ერთმა მეზობელმა, რომელიც მათ ქვემოთ ცხოვრობს, განგაში ატეხა მას შემდეგ, რაც მის ბინაში წყალი ჩამოვიდა. მეზობლები უშედეგოდ ცდილობდნენ მათთვის ხმის მიწვდენას. შემდეგ კი იძულებული გახდნენ კარი შეემტვრიათ, ბინაში კი გარდაცვლილი ცოლ-ქმარი დახვდათ.
მამაკაცის ცხედარი აბაზანაში, ქალის კი საძინებელში იპოვეს.
ადგილზე მუშაობას განაგრძობენ ექსპერტ-კრიმინალისტები. ცხედრები უკვე პროზექტურაში გადაასვენეს.
