თბილისში ქართულ-თურქული ბიზნეს-ფორუმი გაიმართა

© photo: Sputnik / Alexander Imedashviliთბილისი
თბილისი - Sputnik საქართველო
გამოწერა
ბიზნესმენები თურქეთიდან, რომელიც საქართველოს ნომერ პირველი სავაჭრო პარტნიორია, ქართველ კოლეგებს შეხვდნენ.

თბილისი, 3 მაისი — Sputnik. თბილისში გამართულ ბიზნეს-ფორუმში ათობით ქართულმა და თურქულმა კომპანიამ  მიიღო მონაწილეობა და თანამშრომლობის პერსპექტივები განიხილეს, განუცხადეს „Sputnik-საქართველოს“ საქართველოს დამსაქმებელთა ასოციაციაში. 

ქართულ-მოლდავური ბიზნეს-ფორუმი - Sputnik საქართველო
რას სთავაზობენ საქართველოს მოლდოველი ბიზნესმენები

ქართულ-თურქული ბიზნეს-ფორუმი თბილსში ოთხშაბათს ჩატარდა და მასში მონაწილეობა 22-მა თურქულმა და 100-მდე ქართულმა კომპანიამ მიიღო. ბიზნესმენებმა განიხილეს თანამშრომლობის პერსპექტივები სამშენებლო ბიზნესში, სოფლის მეურნეობასა და თანამედროვე ტექნოლოგიებში.

 „პირველ რიგში დაინტერესებული ვართ იმაში, რომ თურქულმა კომპანიებმა საქართველოში ინვესტიციები განახორციელონ. აქ მხოლოდ იმპორტს არ ვგულისხმობთ. მესმის, რომ  თურქეთიდან ძირითადად სხვადასხვა სახის პროდუქცია შემოგვაქვს. შევეცდებით, რომ მათ მხოლოდ ექსპორტზე კიარა, არამედ ადგილზე ბიზნესის დაწყებაზე იფიქრონ“,  - განუცხადა ჟურნალისტებს საქართველოს დამსაქმებელთა ასოციაციის დირექტორმა ლაშა ლაბაძემ.

საქართველოს დამსაქმებელთა ასოციაცია მსგავს ღონისძიებებს 2005 წლიდან ატარებს. ამ პერიოდში ქართველი და თურქი ბიზნესმენების მონაწილეობით 50-ზე მეტი ფორუმი გაიმართა. ქართულ-თურქული ბიზნეს-ფორუმები სისტემატურად, წელიწადში ორ-სამჯერ იმართება. 

ბათუმის პორტი - Sputnik საქართველო
რით ვაჭრობს საქართველო

 „არაერთი ერთობლივი ფორუმი ჩავატარეთ, თუმცა, მოხარული ვარ, რომ დღევანდელი ღონისძიება ასეთი წარმომადგენლობითია. ბოლო ათი წლის განმავლობაში საქართველო და თურქეთი სავაჭრო პარტნიორები არიან, მაგრამ სხვადასხვა მიმართულებით ამ თანამშრომლობის გაღრმავების ჯერ კიდევ დიდი პოტენციალი გაგვაჩნია. ამ ფორუმისგან ახალ შესაძლებლობებს, კავშირებს, პროექტებს ველით“, — განაცხადა საქართველოში თურქეთის ელჩმა ზეკი ლევენთ გურმუქჩუმ ტელეკომპანია Imedi-ს ეთერში.

მისი თქმით, რადგან საქართველო და თურქეთი მეზობლები და სტრატეგიული პარტნიორები არიან, თანამშრომლობის ყველა მიმართულება საინტერესოა.

„ჩემთვის, როგორც ელჩისათვის, საქართველო სტრატეგიული პარტნიორია. საქართველოს წარმატება კი ჩვენი წარმატებაა“, — აღნიშნა გურმუქჩუმ.

ბიზნეს-ფორუმის ორგანიზატორები არიან საქართველოს დამსაქმებელთა ასოციაცია და თურქეთის საელჩო.


ყველა ახალი ამბავი
0