თბილისი, 28 მარტი — Sputnik. რუსთავის მეტალურგიულ ქარხანაში აფეთქება მოხდა, რის შედეგადაც ორი მუშა დაშავდა, იუწყება ადგილობრივი მასმედია.
„ჯეოსთილის“ ქარხნის ტერიტორიაზე ფოლადსადნობი ღუმელი აფეთქდა. სხეულის სერიოზული დაზიანება ორმა მუშამ — 25 წლის და 63 წლის მამაკაცებმა მიიღეს, რომლებიც სახისა და კიდურების ძლიერი დამწვრობით ქალაქის ცენტრალურ საავადმყოფოში გადაიყვანეს.
შემთხვევის ადგილზე საპატრულო, სასწრაფო დახმარებისა და სახანძრო ეკიპაჟებია მობილიზებული.
ამ დროისათვის აფეთქების მიზეზები დგინდება.
