თბილისი, 21 თებერვალი — Sputnik. შოუს Ты супер!-ის მონაწილეები ფილმ „Защитники"–ს ექსკლიუზიური ჩვენების სპეციალური სტუმრები გახდებიან. სურათი დიდ ეკრანებზე 23 თებერვლიდან გამოჩნდება.
აღსანიშნავია, რომ სურათის დახურული პრემიერა პრესისათვის მხოლოდ 22 თებერვალს შედგება, ეს ნიშნავს, რომ ახალგაზრდა ვოკალისტები ფილმს პირველები ნახავენ. ბავშვებთან გასაცნობად მივლენ რეჟისორი სარიკ ანდრეასიანი და მთავარი როლების შემსრულებლები — ანტონ პამპუშნი, სანჟარ მადი, სებასტიან სისაკი და ალინა ლანინა.
ფილმის გმირები გახდებიან სხვადასხვა საბჭოთა რესპუბლიკების სუპერგმირები, ისე, როგორც Ты супер!-ის ვოკალისტები, რომლებიც კონკურსზე პოსტსაბჭოთა სივრცის ათი სხვადასხვა ქვეყნიდან ჩავიდნენ. ასე მაგალითად, ანტონ პამპუშნი ფილმში რუსული სუპერგმირის არსუსის როლს ასრულებს, ალინა ლანინა — უკრაინელ სუპერ–გოგონას ქსენიას, სანჟარ მადი – ყაზახი გმირი ხანია, სებასტიან სისაკ გრიგორიანი კი სომეხი სუპერგმირის ლერის როლს ასრულებს.
ცივი ომის პერიოდში ყველა მათგანი საიდუმლო ორგანიზაცია „პატრიოტის“ შემადგენლობაში შედიოდნენ. დიდი ხნის განმავლობაში ისინი მალავდნენ ამას, მაგრამ რთულ პერიოდში ისინი ისევ თავის საქმეს უბრუნდებიან. თითოეულ სუპერგმირს საკუთარი ერის ყველა ძლიერი თვისება ახასიათებს, ერთად მათ უძლეველი გუნდი შეკრეს. ფილმი გაქირავებაში იქნება დსთ–ს ქვეყნებში, გერმანიაში, საფრანგეთში, ჩეხეთში, ბულგარეთში, ჩინეთში, ინდოეთში, სამხრეთ–აღმოსავლეთ აზიისა და ლათინური ამერიკის ქვეყნებში.
ჩვენებისა და მსახიობებთან ურთიერთობის შემდეგ პროექტ Ты супер!-ის ვოკალისტებს კიდევ ერთი სიურპრიზი ელით და რა თქმა უნდა სელფი მსახიობებთან.
Ты супер!-ი ტელეარხ НТВ–ს ეთერში გადის შაბათობით 21:00 საათზე თბილისის დროით.
ტელეარხ НТВ-სა და საერთაშორისო საინფორმაციო სააგენტო Sputnik-ის პროექტი Ты супер! ნიჭიერ მზრუნველობამოკლებულ ბავშვებს შანსს აძლევს საკუთარ თავზე განაცხადი გააკეთონ და დიდ სცენაზე გაიკვალონ გზა.
მისი მონაწილეა 92 ვოკალისტი რუსეთიდან, სომხეთიდან, ბელარუსიდან, საქართველოდან, აზერბაიჯანიდან, მოლდოვადან, უკრაინიდან, ყაზახეთიდან, ყირგიზეთიდან და ესტონეთიდან.
საქართველოს კონკურსზე წარმოადგენს 12 წლის ნანა ვარძელაშვილი ქარელიდან. მისი კანდიდატურა წინასწარ კასტინგზე შეარჩიეს.
