თბილისი, 20 თებერვალი — Sputnik. საქართველოს ჭადრაკის ქალთა ნაკრების ლიდერი ნანა ძაგნიძე მსოფლიო ჩემპიონატის მეოთხედფინალში გავიდა, რომელიც ამ დღეებში თეირანში მიმდინარეობს, იუწყება FIDE–ს ოფიცილაური ვებგვერდი.
მერვედფინალში ქართველი მოჭადრაკე ჩინელ შენ იანგს შეხვდა და საერთო ანგარიშით 1,5/0,5 ქულით მოიგო.
ნახევარფინალში გასვლაზე ძაგნიძე ინდოელ ჰარიკა დრონავალის შეხვდება. მატჩი ორი ძირითადი პარტიისგან შედგება. იმ შემთხვევაში, თუ თითოეული მოჭადრაკე თითო შეხვედრას მოიგებს, გამარჯვებული ტაი–ბრეიკზე გამოვლინდება.
მსოფლიო ჩემპიონატი 4 მარტს დასრულდება.
