თბილისი, 30 აგვისტო — Sputnik. ქართველმა მოჭადრაკე ნინო ხომერიკმა თვრამეტწლამდელთა შორის ევროპის ჩემპიონატი ზედიზედ მეორედ მოიგო, იუწყება საქართველოს სპორტის სამინისტროს ოფიციალური ვებ-გვერდი.
პრაღაში გამართულ ტურნირზე ხომერიკს ცხრიდან არც ერთი პარტია არ წაუგია. ექვსი პარტია ნიჭიერი ქართველი მოჭადრაკის გამარჯვებით დასრულდა, ხოლო სამი — ყაიმით.
ევროპის ჩემპიონატში სხვადასხვა — 8, 10, 12, 14, 16 და 18 წლამდე ასაკობრივ კატეგორიებში საქართველოდან სულ 24 მოჭადრაკე მონაწილეობდა.
გამარჯვებულს ჯილდო ევროპის ჭადრაკის კავშირის პრეზიდენტმა (ECU) ზურაბ აზმაიფარაშვილმა გადასცა.
