თბილისი, 28 იანვარი — Sputnik. ბოლო დღეებში თოვლი და ყინვა საქართველოს სხვადასხვა რეგიონს გარკვეულ პრობლემებსა და საშიშროებას უქმნის. მოსალოდნელ ყინვებთან დაკავშირებით კომპანიები „ჯორჯიან უოთერ ენდ ფაუერი“ (GWP), „რუსთავის წყალი“ და „მცხეთის წყალი“ აბონენტებს რეკომენდაციებით მიმართავენ, ნათქვამია „ჯორჯიან უოთერ ენდ ფაუერის“ ვებ-გვერდზე გავრცელებულ განცახდებაში.
იმისთვის, რომ მოსახლეობამ თავიდან აიცილოს წყალსადენი სისტემისა და აღრიცხვის კვანძის მოყინვა, საჭიროა შეფუთონ მათ კუთვნილებაში არსებული ზედაპირულად და ღია სივრცეში განლაგებული წყალსადენი ქსელები და აღრიცხვის კვანძები.
აღნიშნული კომპანიები აბონენტებს ურჩევენ სახლში არსებული ყველა ონკანი დატოვონ მოშვებული წყლის მცირე ჭავლით, რაც ხელს შეუშლის ონკანში წყლის გაყინვას.
კომპანიის რეკომენდაციების გათვალისწინება განსაკუთრებით აუცილებელია თბილისის ზედა ზონების მოსახლეობისა და იმ აბონენტებისთვის, რომლებთანაც არსებობს კომუნიკაციების მოყინვის დიდი ალბათობა.
