ვითარება საქართველოს გზებზე: მოქმედებს შეზღუდვები

გამოწერა
НовостиTelegram
თოვლი და ლიპყინული ქვეყნის ავტომაგისტრალებზე ტრანსპორტის გადაადგილებას პრობლემებს უქმნის.

თბილისი, 28 იანვარი — Sputnik. საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა რიგ მაგისტრალებზე სპეციალური რეჟიმები დააწესა, ნათქვამია უწყების მიერ გავრცელებულ განცხადებაში.

რთული მეტეოროლოგიური პირობების — თოვლისა და ლიპყინულის გამო კოდა–ფარცხისი–მანგლისი–წალკა–ნინოწმინდის საავტომობილო გზის როდიონოვკა(ფარავანი)-ნინოწმინდის (კმ110–კმ146) მონაკვეთზე  და ახალციხე-ნინოწმინდის (სომხეთის  საზღვარი) საავტომობილო გზის კმ90-კმ112 (ნინოწმინდა-სომხეთის საზღვარი) მონაკვეთზე ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით, ხოლო ორი და მეტი წამყვანი ხიდის მქონე ავტოტრანსპორტის მოძრაობა თავისუფალია, ნათქვამია საავტომობილო გზების დეპარტამენტის ვებგვერდზე გამოქვეყნებულ განცხადებაში. 

პირველი თოვლი თბილისში - Sputnik საქართველო
ამინდი: საქართველოში მოთოვს და აცივდება

ინტენსიური თოვის გამო, ქუთაისი-ტყიბული-ამბროლაურის საავტომობილო გზის კმ35-კმ72  (ნაქერალას უღელტეხილი) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

გზის დანარჩენ მონაკვეთებზე ავტოტრანსპორტის მოძრაობა თავისუფალია.

საავტომობილო გზების დეპარტამენტი მოსახლეობას მოუწოდებს, იმოძრაონ გამართული ავტოტრანსპორტით, ზამთრის პერიოდისათვის შესაბამისი საბურავებით და დაემორჩილონ საავტომობილო გზებზე დაწესებულ რეჟიმებს.


ყველა ახალი ამბავი
0