თბილისი, 12 ნოემბერი – Sputnik. აშშ–ის არჩეულმა პრეზიდენტმა დონალდ ტრამპმა განაცხადა, რომ უახლოეს მომავალში რუსეთის ლიდერთან, ვლადიმირ პუტინთან სატელეფონო საუბარს გეგმავს, იუწყებ საინფორმაციო სააგენტო „რია ნოვოსტი“ Wall Street journal–ზე დაყრდნობით.
ამერიკულ გამოცემასთან ინტერვიიუში ტრამპმა აღნიშნა, რომ პუტინიისგან „საოცარი“ წერილი მიიღო და დასძინა, რომ „უახლოეს მომავალში მათ სატელეფონო საუბარი აქვთ დაგეგმილი“.
რესპუბლიკელმა ტრამპმა საპრეზიდენტო არჩევნებში 8 ნოემბერს გაიმარჯვა. ინაუგურაცია 20იანვარს არის დაგეგმილი.
საჯარო გამოსვლებისა და ინტერვიუების დროს ტრამპს არაერთხელ აღუნიშნავს, რომ ცუდი არ იქნებოდა, რუსეთსა და აშშ–ს ურთიერთობები მოეგვარებინათ. მან განაცხადა, რომ „პუტინთან, რუსეთთან ძალიან, ძალიან კარგი ურთიერთობების“ იმედი აქვს. ტრამპმა ასევე განაცხადა, რომ აპირებს განიხილოს ყირიმის რუსეთის ნაწილად აღიარების საკითხი. მისი თქმით, ის ამერიკის ინტერესებს ყველაზე მაღლა დააყენებს, მაგრამ, ამავდროულად, ყველას მსოფლიოში პატიოსნად მოექცევა.
რუსეთის ლიდერმა ვლადიმირ პუტინმა აღიარა, რომ ორი ქვეყნის ურთიერთობების აღდგენა ადვილი არ იქნება. მან განაცხადა, რომ ის მზადაა, ყველაფერი შესაძლებელი გააკეთოს, რათა ურთიერთობები განვითარების მყარ ტრაექტორიას დაუბრუნდეს.
პრიორიტეტული ამოცანები
ინტერვიუში ტრამპმა განაცხადა, რომ არჩევნებში გამარჯვების შემდეგ ფიქრობს იმაზე, თუ რას გააკეთებს სახელმწიფო მეთაურის თანამდებობაზე პირველ კვირებში.
პირველ რიგში, ტრამპი გეგმავს, შეუდგეს „ჯანდაცვის საკითხების, სამუშაო ადგილების შექმნის, საზღვარზე უსაფრთხოებისა და საგადასახადო რეფორმის საკითხების“ გადაწყვეტას.
გარდა ამისა, პრეზიდენტობის პირველ კვირებში ტრამპმა დაგეგმა „ფინანსური ინსტიტუტების დერეგულირება“, ასევე აშშ–ის საზღვრების უსაფრთხოების უზრუნველყოფა ნარკოტიკებისა და არალეგალური მიგრანტების ნაკადებთან ბრძოლის კუთხით.
მან ასევე განაცხადა, რომ მთელი ქვეყნის მასშტაბით ინფრასტრუქტურული პროექტების საშუალებით და საერთაშორისო სავაჭრო შეთანხმებების გაუმჯობესების გზით ახალ სამუშაო ადგილებს შექმნის.
