თბილისი, 4 ნოემბერი — Sputnik. „სადახლო-ბაგრატაშენის“ საკონტროლო-გამშვებ პუნქტზე, მდინარე დებედაზე „მეგობრობის ხიდის“ მშენებლობა 2017 წელს დაიწყება, იუწყება საქართველოს მთავრობის ადმინისტრაციის პრეს-სამსახური.
საქართველოს პრემიერ-მინისტრმა გიორგი კვირიკაშვილმა და სომხეთის პრეზიდენტმა სერ სარგსიანმა დაათვალიერეს ტერიტორია, რომელზეც ახალი ხიდი უნდა აშენდეს. მშენებლობის დამთავრება ორ წელიწადზე ნაკლებ დროში იგეგმება. პროექტს ევროპის რეკონსტრუქციისა და განვითარების ბანკი (EBRD) დააფინანსებს.
"მეგობრობის ხიდის" მშენებლობის შესახებ შეთანხმებას ორი ქვეყნის მთავრობებმა 2014 წლის 24 დეკემბერს მოაწერეს ხელი.
რეგიონში უნიკალური პროექტი „მეგობრობის ხიდი“, რომლის ღირებულება 10 მლნ ევროს აღწევს, ექსპლუატაციაში 2018 წელს შევა. ხიდის ერთი ნახევარი საქართველოს, ხოლო მეორე — სომხეთის ტერიტორიაზე იქნება.
