თბილისში ესტონეთის დღეები გაიმართება

© Sputnik / Alexander Imedashviliძველი თბილისი
ძველი თბილისი - Sputnik საქართველო
გამოწერა
თბილისელები და დედაქალაქის სტუმრები შეძლებენ გაეცნონ ესტონურ კულტურას, სამზარეულოსა და განათლების სისტემას.

თბილისი, 1 ნოემბერი — Sputnik. თბილისში 2-4 ნოემბერს ესტონეთის დღეები ჩატარდება. ღონისძიების სტუმრები შეძლებენ გაეცნონ ესტონურ კულტურას, სამზარეულოს, განათლების სისტემასა და მეცნიერებას.

ტალინი - Sputnik საქართველო
ესტონეთი საქართველოს თანამშრომლობის პროექტების განხორციელებაში დაეხმარება

ესტონური დღეები ითვალისწინებს საგანმანათლებლო ღონისძიებებს. დაინტერესებული პირები მიიღებენ ინფორმაციას ესტონეთში უმაღლესი განათლების მიღების შესაძლებლობებზე, დაესწრებიან სხვადასხვა საინტერესო ლექციებს, სემინარებსა და ვორქშოპებს, იუწყებიან ორგანიზატორები.

ღონისძიების დასკვნით დღეს გაიმართება ესტონეთის საგანმანათლებლო ბაზრობა, ცნობილი ესტონელი მომღერლის მარია ნუტის კონცერტი, სემინარი ესტონეთის ენისა და კულტურის შესახებ.

საქართველომ და ესტონეთმა დიპლომატიური ურთიერთობები 1992 წლის 16 ივნისს დაამყარეს. ქვეყნები მჭიდროდ თანამშრომლობენ როგორც ორმხრივ, ისე მრავალმხრივ ფორმატში. პარტნიორობის სფეროებია ეკონომიკა, ვაჭრობა, კულტურა, განათლება.

ყველა ახალი ამბავი
0