„როსია სეგოდნიამ“ ლევიტანის მიმდევრები მთელს ქვეყანაში აღმოაჩინა

© photo : ТВЦიური ლევიტანი
იური ლევიტანი - Sputnik საქართველო
გამოწერა
კონკურსში გამარჯვების პრეტენდენტები რუსეთის, ბელარუსის, უკრაინის, ყირგიზეთის, სომხეთის, ყაზახეთის, მოლდოვისა და სხვა ქვეყნების წარმომადგენლები იყვნენ.

თბილისი — 23 ივნისი — Sputnik. საერთაშორისო საინფორმაციო სააგენტოში „როსია სეგოდნია“ რადიომაუწყებლობაში საერთაშორისო კონკურსის „ვლაპარაკობთ, როგორც ლევიტანი“ გამარჯვებულები დააჯილდოეს. კონკურსში, რომელიც „სოვინფორმბიუროს“ 75 წლისთავს ეძღვნებოდა, 10-ზე მეტი ქვეყნიდან, მათ შორის რუსეთიდან, ბელარუსიდან, უკრაინიდან, ყირგიზეთიდან, სომხეთიდან, ყაზახეთიდან, მოლდოვიდან და სხვა ქვეყნებიდან 109 რადიოწამყვანი მონაწილეობდა.

რადიოწამყვანი, არქივის ფოტო - Sputnik საქართველო
„ვლაპარაკობთ როგორც ლევიტანი“ — კონკურსში გამარჯვებულები

კონკურსის გამარჯვებულები ჟიურიმ გამოამჟღავნა, რომელიც მედიის წარმომადგენლებით, ხელოვნების მუშაკებითა და მედიაექსპერტებით იყო დაკომპლექტებული.

გამარჯვებული გახდა მოსკოველი ევგენი სტრელცოვი (ტელეარხ „როსიას“ დიქტორი), მეორე ადგილი არზამასელ ევგენი პროხოროვს (მსახიობი) ერგო, ხოლო მესამე — ალექსეი პეტროვს (პროგრამების წამყვანი და რედაქტორი „დოროჟნოე რადიოში“) სოჭიდან. ექსპერტთა ჯგუფმა სპეციალური დიპლომით აღნიშნა ასტანელი მონაწილის, მუჰაედალი ბალათული ბუხარბაევის ორ ენაზე წარმოდგენილი ნამუშევარი (რუსულად და ყაზახურად).

რადიოკონკურსის მიზანი იყო დამწყები ჟურნალისტების მხარდაჭერა, ტრადიციების გადაცემის უზრუნველყოფა და დარგში პროფესიონალი კადრების ფორმირება.

დიქტორი დავით სოკოლოვი - Sputnik საქართველო
დავით სოკოლოვი: “ერთხელ გადაცემის წაყვანა ძილში დავიწყე“

ევგენი სტრელცოვს გადაეცა მცირე ზომის ქანდაკება რეტრო-მიკროფონის ორგანზომილებიანი გამოსახულებით, რომლითაც იური ლევიტანი ომის წლებში თავის განცხადებებს კითხულობდა.

კონკურსის ყველა ლაურეატს ფულადი პრიზები გადაეცა: პირველი ადგილი — 50 000 რუბლი, მეორე — 30 000 რუბლი და მესამე — 20 000 რუბლი.

კონკურსი „ვლაპარაკობთ, როგორც ლევიტანი“ ორგანიზებული იყო საერთაშორისო საინფორმაციო სააგენტო „როსია სეგოდნიას“ მიერ და „სოვინფორმბიუროს“ 75 წლისთავს ეძღვნებოდა.

ყველა ახალი ამბავი
0