ენათმეცნიერი: ქართული ანბანის თითოეული ასო ხელოვნების ნიმუშია

გამოწერა
НовостиTelegram
საქართველოს ხელისუფლებამ უნდა შეიმუშაოს პროგრამა, რათა ქართული ენა ნასესხები სიტყვებით არ „დაბინძურდეს“, მიიჩნევს ქართული ენის სპეციალისტი ინგა სანიკიძე.

თბილისი, 14 აპრილი — Sputnik. ქართული ანბანი თავისი ნატიფი ასოებით ყოველთვის იპყრობდა ყურადღებას, ის მსოფლიოში ერთ-ერთი უძველესი ანბანია და იუნესკოს არამატერიალური კულტურული მემკვიდრეობის ნუსხაშია შეტანილი, განუცხადა Sputnik-ს ქართული ენის სპეციალისტმა ინგა სანიკიძემ.

საქართველოში 14 აპრილს ქართული ენის დღე აღინიშნება. ის სახელმწიფო ენაა და მასზე მსოფლიოში 4 მილიონზე მეტი ადამიანი ლაპარაკობს.

„ქართულ ანბანში თითოეული ასო იმდენად ლამაზი, უნიკალური და დახვეწილია, რომ ხელოვნების ნამდვილ ნიმუშად შეიძლება ჩაითვალოს. ჩვენი ანბანი თავისი განსაკუთრებულობით ყოველთვის იპყრობდა ყურადღებას და, სხვათა შორის, ყოველთვის მოსწონდათ უცხოელებს, როდესაც მის შესწავლას იწყებდნენ“, — აღნიშნა სანიკიძემ.

ქართული ენა აღმოსავლური ენების ჯგუფს განეკუთვნება, აღნიშნა სანიკიძემ. საზღვარგარეთის უნივერსიტეტებში მას ასწავლიან, როგორც ერთ-ერთ აღმოსავლურ ენას.

საქართველოში ქართული წიგნის დღეს აღნიშნავენ - Sputnik საქართველო
საქართველოში ქართული ენის დღეს აღნიშნავენ

„მახსოვს, როდესაც საზღვარგარეთ ვიყავი და ქართულად დავიწყე ლაპარაკი, მკითხეს – ეს დანიური ენაა? რატომღაც სწორედ ამ ენას შეადარეს. თითოეული ერი ქართულს თავისებურად აღიქვამს იქიდან გამომდინარე, თუ რა ენაზე ლაპარაკობს ის, რომელი ბგერებით არის მდიდარი მისი ენა და ასე შემდეგ“, — აღნიშნა სანიკიძემ.

ზოგიერთი უცხოელისთვის ქართული ენა საკმაოდ უხეში და ხისტია. მისი შესწავლა ადვილი არაა, რადგან ენაში ბევრი ისეთი ასოა, რომელიც ევროპულ ენებში არ არის. შესაბამისად, უცხოელებს მათი წარმოთქმა უჭირთ.

„ჩემთვის ეს მშობლიური ენაა და, რა თქმა უნდა, ის ჩემთვის ყველაზე ლამაზია, მაგრამ უცხოელებს მისი ყურით აღქმა უჭირთ“, — აღნიშნა მან. ენათმეცნიერის თქმით, ქართულ ენაში ბოლო წლებში მრავალი ნასესხები სიტყვა გაჩნდა.

© FB/ National Centre of Manuscripts‎ქართული ენის სახელმძღვანელო "დედა ენა"
ქართული ენის სახელმძღვანელო დედა ენა - Sputnik საქართველო
ქართული ენის სახელმძღვანელო "დედა ენა"

„საზღვარგარეთის უნივერსიტეტები ამას დიდ ყურადღებას აქცევენ, გერმანიაში რამდენიმე ინსტიტუტი მუშაობს იმაზე, რომ გერმანული ენა ნასესხები სიტყვებით არ „დაბინძურდეს“. კითხულობენ ლექციებს ენის ეკოლოგიის შესახებ. ჩვენთან ასეთი რამ არ არის. ამ მიმართულებით ბევრი სპეციალური პროგრამის შემუშავებაა საჭირო“, — აღნიშნა სანიკიძემ.

ენათმეცნიერი მიიჩნევს, რომ სახელმწიფო მეცნიერებს უნდა დაეხმაროს სპეციალური პროგრამების შემუშავებაში, რომლებიც ე.წ. ენის გაფილტვრაზე იქნება მიმართული. 

„რა თქმა უნდა, უცხო ენების გავლენა ყოველთვის იყო და იქნება, მაგრამ ეს პროცესი უნდა გაკონტროლდეს. მაგალითად, თავის დროზე ქართულ ენაზე დიდი გავლენა მოახდინა სპარსულმა და ბერძნულმა ენებმა“, — თქვა მან.

სანკტ-პეტერბურგი - Sputnik საქართველო
სანკტ-პეტერბურგში ქართული ენის დღეს აღნიშნავენ

ქართული ენის სპეციალისტმა ქართული ენის შემსწავლელებს რამდენიმე რჩევა მისცა. მისი აზრით, ერთ-ერთი ყველაზე რთული ენის შესწავლისთვის მთავარია ქართულენოვანი ხალხის გარემოცვაში ყოფნა. მხოლოდ გრამატიკა და სიტყვების მარაგი საკმარისი არაა, მიიჩნევს სანიკიძე. 

„განსაკუთრებით ადვილად ქართულს ინდოევროპულ ოჯახში შემავალ ენებზე მოლაპარაკე ადამიანები სწავლობენ. ვიცნობ ამერიკელებს, გერმანელებს, ინგლისელებს, ფრანგებს, რომლებმაც ქართული კარგად ისწავლეს. ყველაფერი მარტივი რთულია და ყველაფერი რთული — მარტივი. ყველაფრის სწავლა შეიძლება. გარემო არა მხოლოდ ენის ღრმად და სრულფასოვნად შესწავლაში ეხმარება, არამედ სწავლის პროცესსაც აჩქარებს“, — დაასკვნა ფილოლოგმა.

ყველა ახალი ამბავი
0