თბილისი, 28 თებერვალი — Sputnik. საქართველოს ევროინტეგრაციის ყოფილ სახელმწიფო მინისტრს, ოპოზიციური პარტია „თავისუფალი დემოკრატების“ გენერალურ მდივანს ალექსი პეტრიაშვილს, რომელიც უცნობმა პირებმა ცეცხლსასრული იარაღით დაჭრეს, მეორე ოპერაცია ჩაუტარდა, იუწყება ქართული მედია პეტრიაშვილის მეუღლეზე, ჟურნალისტ ეკა მიშველაძეზე დაყრდნობით.
ინციდენტი პარასკევს, 26 თებერვალს, საბურთალოს სასაფლაოზე მოხდა, სადაც ყოფილი დიპლომატი ლევან მიქელაძეა დაკრძალული. პეტრიაშვილს ამ დროს სამი ადამიანი ახლდა. იგი უცნობმა პირებმა ცეცხსასროლი იაღაღით დაჭრეს. პეტრიაშვილს საავადმყოფოში მიყვანისთანავე პირველი ოპერაცია ჩაუტარდა.
„ექიმები მეორე ოპერაციას აკეთებენ, ამბობენ რომ ტყვიამ (რომელიც პირველი ოპერაციის შემდეგ დატოვეს — რედ.) კუჭ-ნაწლავი დააზიანა“, — დაწერა ეკა მიშველაძემ „ფეისბუქის“ საკუთარ გვერდზე.
პეტრიაშვილის თანაპარტიელები, ისევე როგორც ექსმინისტრის მეუღლე ეკა მიშველაძე მომხდარ ფაქტს „მკვლელობის მცდელობას“ უწოდებენ, რომლებიც შსს-ს საქმის „განზრახ მკვლელობის“ მუხლით გამოძიებას თხოვენ.
როგორც ჯანდაცვის მინისტრის ყოფილმა მოადგილემ კახა საკანდელიძემ აღნიშნა, იმ დროს, როდესაც პეტრიაშვილს ორი უცნობი შეიარაღებული მამაკაცი თავს დაესხა, მის გვერდით იმყოფებოდა.