თბილისი, 18 თებერვალი — Sputnik. ქურთთა თავდაცვის რაზმებს ანკარაში აფეთქება არ მოუწყვიათ, ამაში ტერორისტული დაჯგუფება „ისლამური სახელმწიფოს“ ხელი ურევია, განუცხადა სააგენტო „რია ნოვოსტის“ ქურთების პარტია „დემოკრატიული კავშირის“ ლიდერმა სალიჰ მუსლიმ მუჰამედმა.
თურქეთის პრემიერ-მინისტრმა აჰმეთ დავითოღლუმ ხუთშაბათს ანკარაში მომხდარ ტერაქტზე პასუხისმგებლობა სირიელი ქურთების „დემოკრატიული კავშირის პარტიას“ დააკისრა.
„ეს სრული სიცრუეა. ქურთებს არანაირი კავშირი არა აქვთ იმასთან, რაც ანკარაში მოხდა. იქ მომხდარი თურქეთის „ისლამურ სახელმწიფოსთან“ ბრძოლას უკავშირდება. ამ დაჯგუფების ელემენტები თურქეთში ცხოვრობენ“, — განაცხადა სალიჰ მუსლიმმა.
დანაღმული ავტომანქანა ოთხშაბათს თურქეთის დედაქალაქის ცენტრში, პარლამენტისა და გენშტაბის შენობების მახლობლად, თბილისის დროით 20:31 წუთზე აფეთქდა, აფეთქება მაშინ მოხდა, როცა შუქნიშანზე სატვირთო ავტომობილი გაჩერდა, რომელსაც გენშტაბის პერსონალი — თურქი სამხედროები გადაჰყავდა. აფეთქების შედეგად დაიღუპა 28 ადამიანი, დაიჭრა — 61. ტერაქტს ძირითადად სამხედრო მოსამსახურეები ემსხვერპლნენ. დაშავებულთა შორის არიან ანკარის მცხოვრებნიც, რომლებიც იმ დროს შემთხვევის ადგილზე იმყოფებოდნენ.