საქართველოს საგარეო საქმეთა მინისტრის დატვირთული დღის წესრიგი მიუნხენში

თბილისი, 13 თებერვალი – Sputnik. საქართველოს საგარეო საქმეთა მინისტრმა მიხეილ ჯანელიძემ მიუნხენის უსაფრთხოების კონფერენციის ფარგლებში ორმხრივი მოლაპარაკებები გამართა თავის ისლანდიელ კოლეგასთან გუნარ ბრაგი სვეინსონისთან (Gunnar Bragi Sveinsson), იუწყება საგარეო საქმეთა სამინისტროს პრესსამსახური. 

შეხვედრაზე მხარეებმა განიხილეს საქართველოს ევროპულ და ევროატლანტიკურ სტრუქტურებში ინტეგრაციის პროცესის, ვარშავის სამიტისთვის მზადების, ქვეყანაში მიმდინარე რეფორმებისა და რეგიონალური უსაფრთხოების საკითხები. 

ტურიზმის, სოფლის მეურნეობისა და ენერგეტიკის საკითხების შესახებ მიხეილ ჯანელიძემ ბელარუსის საგარეო საქმეთა მინისტრთან ვლადიმირ მაკეევთან ისაუბრა.

საგარეო უწყების პირველმა პირმა ბრაზილიელ კოლეგასთან  მაურუ ვიეირესთან (Mauro Vieira) შეხვედრისას საქართველოს ეკონომიკურ პოტენციალზე, როგორც რეგიონალურ ჰაბზე, სრული ინფორმაცია მიაწოდა.

სომხეთში მოწვევა ჯანელიძემ სომხეთის საგარეო საქმეთა მინისტრისგან ედვარდ ნალბანდიანისგან მიიღო. მხარეებმა შეხვედრისას კიდევ ერთხელ დააფიქსირეს ორ ქვეყანას შორის კეთილმეზობლური განწყობა. 

საქართველოს დელეგაცია, პრემიერ-მინისტრ გიორგი კვირიკაშვილის ხელმძღვანელობით, პარასკევს მიუნხენში უსაფრთხოების კონფერენციაში მონაწილეობის მისაღებად გაემგზავრა. 

ბულგარეთის პრეზიდენტს, ჩერნოგორიის პრემიერ-მინისტრსა და ევროპული დიპლომატიის პირველ პირებს. გარდა ამისა, საქართველოს თავდაცვის მინისტრი თინათინ ხიდაშელი ფინეთის თავდაცვის უწყების პირველ პირს შეხვდა.

საქართველოს დელეგაციის ვიზიტი 14 თებერვალს დასრულდება.