თბილისი, 18 იანვარი — Sputnk. დეპუტატი ოპოზიციური პარტიიდან “ერთიანი ნაციონალური მოძრაობა“ მიხეილ მაჭავარიანი, მომავალ საპარლამენტო არჩევნებში მმართველი კოალიცია „ქართული ოცნების“ დამარცხებას წინასწარმეტყველებს.
2016 წლის შემოდგომაზე საქართველოში ხელისუფლების ცვლილების შემდეგ პირველი საპარლამენტო არჩევნები იგეგმება. პარტიები 150 დეპუტატის მანდატისათვის იბრძოლებენ.
„ქართული ოცნება“ წააგებს არჩევნებს, ამის გარანტიას მე გაძლევთ. ჩვენ (ენმ) გვაქვს ყველა შანსი თუ ვიქნებით ერთიანები და მობილიზებულები“ უთხრა მაჭავარიანმა საინფორმაციო სააგენტო „"Новости-Грузия"-ს.
დეპუტატის აზრით, საპარლამენტო არჩევნების შედეგად, ახალ პარლამენტში სულ მცირე 4 პარტია მოხვდება, თუმცა არ აკონკრეტებს რომელ პარტიებზე საუბრობს.
„ვფიქრობ ახალ პარლამენტში სულ მცირე 4 პარტია მაინც მოხვდება. რა თქმა უნდა ივანიშვილი თავისი ფულითა და მაღალი ნდობით შეეცდება ჩაერიოს წინასაარჩევნო პროცესში. მაგრამ ვნახოთ, სინამდვილეში რამდენად ენდობიან მას“, — ციტირებს დეპუტატის სიტყვებს სააგენტო.
ბოლო 2012 წლის საპარლამენტო არჩევნების შედეგად, მიხეილ სააკაშვილის ხელისუფლება მილიარდერ ბიძინა ივანიშვილის მიერ შექმნილმა კოალიციამ „ქართული ოცნება“ ჩაანაცვლა.
დღეისათვის მმართველ კოალიციაში შედიან „ქართული ოცნება- დემოკრატიული საქართველო“, „რესპუბლიკური პარტია“, „კონსერვატიული პარტია“, ეროვნული ფორუმი“ და „მრეწველობა გადაარჩენს საქართველოს“.
