თბილისი, 1 იანვარი — Sputnik. საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (GNERC) 2016 წლისთვის ენერგოპროჯორჯიას ახალი ტარიფები დაუწესა.
ახალი ტარიფები ძალაში 2016 წლის 1 იანვარს შევიდა და 31 დეკემბრამდე იმოქმედებს. კომისიის გადაწვეტილების თანახმად, სამომხმარებლო ტარიფი უცვლელია, კომერციული სექტორისთვის კი შემცირდა.
2016 წელს Energo-Pro Georgia-ს მიერ გამომუშავებულ ელექტროენერგიაზე ტარიფი 0,81 თეთრით შემცირდა და 1 კვ/სთ-ზე 11,622 თეთრი შეადგინა.
2015 წლის 1 აგვისტოდან ელექტროენერგიის სამომხმარებლო ტარიფი Energo-Pro Georgia-ს მომხმარებლებისათვის 3,95 თეთრით გაიზარდა 1 კვტ.სთ-ზე. შესაბამისი გადაწყვეტილება GNERC- მა 23 ივლისს მიიღო.
კომისიის გადაწყვეტილებით, Energo-Pro Georgia-ს იმ აბონენტებისათვის, ვინც 101 კვტ.სთ-მდე ელექტროენერგიას მოიხმარს, 1კვ/სთ ელექტროენერგიის გადასახადი 12,954 თეთრი გახდა; 101-დან 301 კვტ.სთ-მდე — 16, 93 თეთრი, ხოლო 301 კვტ/სთ-დან ზევით მოხმარებულ ენერგიაზე — 21,45 თეთრი. (მიმდინარე კურსი:1 დოლარი — 2,4 ლარია).
