მაშველებმა ყირიმის პარკში გენერატორი მიიტანეს და სელაპებს წყალი შეუცვალეს

გამოწერა

საგანგებო სიტუაციების სამინისტროს თანამშრომლები ლვოვში ბელოგორსკის პარკ "ტაიგანში" სელაპების აუზში წყალს ცვლიდნენ, ვინაიდან სელაპებს 22 ნოემბერს ხერსონის ოლქში ელექტროგადამცემი ხაზების საყრდენების დაზიანების შემდეგ ყირიმის ჩაბნელებამ სიცოცხლის საფრთხე შეუქმნა.

სიტუაცია ჩაბნელებულ ყირიმში: გათბობის პუნქტები და გენერატორები აფთიაქებისათვის - Sputnik საქართველო
სიტუაცია ჩაბნელებულ ყირიმში: გათბობის პუნქტები და გენერატორები აფთიაქებისათვის
 ყირიმის ჩაბნელებისა და გრაფიკის შემოღების შემდეგ პრობლემები გაუჩნდათ საფარი-პარკ "ტაიგანის" ბინადრებს, სადაც გათბობის გარეშე დარჩა ლომების ვოლიერები, მათ შორის არიან ახლადდაბადებული ცხოველებიც.

რუსეთის საგანგებო სიტუაციების სამინისტროს თანამშრომლებმა ყირიმში 100 კვტ სიმძლავრის დიზელის ელექტროგენერატორი დაამონტაჟეს, რომელიც უზრუნველყოფს ელექტროენერგიითა დ გათბობით მტაცებელი ცხოველების ვოლიერს ზამთარში, განაცხადეს რუსეთის საგანგებო სიტუაციების სამინისტროს პრეს-სამსახურში.

ცხოველების გადარჩენის ოპერაციას აკონტროლებს საგანგებო სიტუაციების სამსახურის ოპერატიული ჯგუფის ხელმძღვანელი, მინისტრის მოადგილე ყირიმში ალექსანდრ ჩუპრიანი.

როგორ გამოიყურება ღამის სევასტოპოლი ყირიმისთვის ელექტროენერგიის გათიშვის შემდეგ - Sputnik საქართველო
როგორ გამოიყურება ღამის სევასტოპოლი ყირიმისთვის ელექტროენერგიის გათიშვის შემდეგ
 "საქმე ისაა, რომ ადამიანებს შეუძლიათ მოითმინონ, რასაც აკეთებენ კიდეც, ხოლო ცხოველებს მოთმენა არ შეუძლიათ და ადამიანები მათ უნდა დავეხმაროთ", — განაცხადა მან.

მაშველებმა ასევე სელაპების აუზში წყალიც შეცვალეს.

"შუქის გამორთვის გამო, წყლის შეცვლა შეუძლებელი იყო. ხოლო ვილისა და მალიშს (სელაპებს) წყლის შეცვლა 7-10 დღეში ერთხელ ესაჭიროებათ", — განაცხადა ზოოპარკის თანამშრომელმა.

ბელოგორსკის პარკ "ტაიგანში" ბინადრობს 70 ლომი, 45 ვეფხვი და კატისებრთა ოჯახის კიდევ 30 წარმომადგენელი. ხოლო მათ გარდა — ჟირაფები, მაიმუნები, წყვილჩლიქოსნები, ძაღლები, მღრღნელები და მრავალი სხვა ცხოველი.

ყველა ახალი ამბავი
0