რუსული ტურკომპანიის "ნატალი ტურს" პრეზიდენტი, რომელმაც სუ–24–ის ინციდენტის შემდეგ თურქეთში ტურების გაყიდვები შეაჩერა, მიიჩნევს, რომ სიტუაციიდან გამომდინარე ოპერატორებს არ შეუძლიათ რუსებს ამ ქვეყანაში უსაფრთხო დასვენების გარანტია მისცენ.
"ჩვენ რუსების დასვენების უსაფრთხოების უზრუნველყოფის პრინციპით ვხელმძღვანელობდით. სამწუხაროდ, ის სიტუაცია, რომელიც ამ მიმართულებით ვიტარდება, არ გვაძლევს რუსების დასვენების უსაფრთხოების გარანტიას", – ინტერვიუში განმარტა "ნატალი ტურსის" პრეზიდენტმა ვლადიმერ ვორობიევმა.
რუსეთის საგარეო საქმეთა სამინისტრო და ტურიზმის ფედერალური სააგენტო სამშაბათს რუსებს თურქეთში მოგზაურობისაგან თავის შეკავებას ურჩევდნენ. მოგვიანებით რუსტურიზმმა ტუროპერატორებს ამ ქვეყნის საგზურების გაყიდვა აუკრძალა. ზოგიერთმა დიდმა სააგენტომ თურქეთის მიმართულებით საგზურების გაყიდვა ამ რეკომენდაციებს გაცემამდევე შეწყვიტა.
რუსული თვითმფრინავი სუ–24 სირიაში 24 ნოემბერს ჩამოვარდა. რუსეთის პრეზიდენტმა ვლადიმერ პუტინმა განაცხადა, რომ თვითმფრინავი თურქულმა ფ–16–მა სირიის ტერიტორიაზე "воздух-воздух" ტიპის რაკეტით ჩამოაგდო და ის სირიაში თურქეთის საზღვრიდან ოთხი კილომეტრის დაშორებით ჩამოვარდა. პილოტებმა შეძლეს კატაპულტირება, ერთ–ერთი მათგანი ხმელეთიდან გახსნილ ცეცხლს შეეწირა. თრქულმა მხარემ რუსული ბომბარდირების მიერ საზღვრის დარღვევის შესახებ გააკეთა განცხადება.
