თბილისი, 23 ნოემბერი — Sputnik. ბოლო ორ დღეში სირიელ ტერორისტებს დეირ–ეზ–ზორში, რაქასა და ალეპოში დიდი დარტყმა მიადგათ, — განაცხადა რუსეთს თავდაცვის სამინისტროს ოფიციალურმა წარმომადგენელმა იგორ კონაშენკოვმა.
„ბაღდადის საინფორმაციო ცენტრიდან ჩვენთან შემოსული ინფორმაციის თანახმად, ტერორისტებმა ყველაზე სერიოზული დანაკარგი განიცადეს დეირ–ეზ–ზორში, რაქასა და ალეპოში“, — თქვა მან.
კონაშენკოვის თქმით, ალეპოს დასახლებულ პუნქტში რუსული ავიაციის დარტყმების შედეგად სრულადაა განადგურებული ბანდფორმირებების მართვის სისტემა. ტერორისტები დეზორგანიზებულები არიან და მათ მიერ კონტროლირებადი რაიონების სიღრმეში ინაცვლებენ — ცდილობენ ახალ საზღვრებში გამაგრდნენ.
როგორც თავდაცვის სამინისტროს წარმომადგენელმა განმარტა, რუსეთის სამხედრო–კოსმოსური ძალების სარაკეტო შეტევების შედეგად ტერორისტულმა დაჯგუფებებმა სერიოზული დარტყმა მიიღეს იდლიბის პროვინციის სერაკაბესა და ჰამას პროვინციის ქალიათ–ელ–მუდიკში.
„ამ რაიონებში ბანდფორმირებების დიდმა ნაწილმა, მიუხედავად მეთაურთა მუქარისა, თვითნებურად დატოვა დაკავებული პოზიციები, მოიშორეს „ისლამური სახელმწიფოსა“ და სხვა ტერორისტული დაჯგუფებების სიმბოლიკა და გამოიცვალეს ტანსაცმელი, რათა ადგილობრივ მოსახლეობაში გაითქვიფონ“, — დაამატა კონაშენკოვმა.
მანვე აღნიშნა, რომ რუსეთის თავდაცვის სამინისტროს ხელთ აქვს გასულ კვირაში ჩატარებული საჰაერო ოპერაციის ობიექტური კონტროლის მონაცემები. „ეს მონაცემები მოწმობს [ოპერაციის] მაღალ ეფექტურობასა და სირიის მთელ ტერიტორიაზე ტერორისტებისთვის მიყენებულ მნიშვნელოვან ზარალზე“, — დაასკვნა კონაშენკოვმა.
