თბილისი, 4 ნოემბერი — Sputnik. ქართველი რეჟისორის ლევან თუთბერიძის ფილმი „ მოირა“ აზიური ქვეყნების საერთაშორისო კინოფესტივალზე, რომელიც 26 ოქტომბრიდან 2 მოემბრის ჩათვლით ლოს-ანჯელესში გაიმართა, საუკეთესო ფილმად დასახელდა, ნათქვამია ფესტივალის ოფიციალურ გვერდზე განთავსებულ ინფორმაციაში.
აზიური კინოს საერთაშორისო ფესტივალი (Asian World Film Festival) კინემატოგრაფიის კავშირის წარმომადგენლების, საზოგადო მოღვაწეებისა და ყირგიზი კინორეჟისორის სადიკ შერ-ნიაზის მიერაა დაფუძნებული. წელს ფესტივალზე 30 ფილმი იღბდა მონაწილეობას, რომელთაგანაც 17 „ოსკარზე“ ნომინაციაში „საუკეთესო უცხოური ფილმი“ იყო წარდგენილი.
საუკეთესო ფილმისთვის ჯილდო „მოირას“ რეჟისორს ლევან თუთბერძიეს ლოს-ანჯელესში გადასცეს.
2015 წლის სექტემბერში, თუთბერიძის ფილმი სან-სებასტიანის კინოფესტივალზე პრიზით დაჯილდოვდა.
ამასგარდა, "მოირამ" კინოაკადემის წევრებისთვის დამატებითი ჩვენების უფლებაც მოიპოვა, რომელიც დეკემბერში გაიმართება.
„მოირას“ პრემიერა საქართველოში 2015 წლის ზაფხულში, სოფელ დიცში, პროექტ „საზაფხულო სკოლის“ ფარგლებში, ადგილობრივი მოსწავლეებისათვის ჩატარდა.
