გამოკითხვა: "ქართულმა ოცნებამ" პოზიციები დათმო

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო
გამოწერა
Yandex newsTelegram
გამოკითხვის შედეგების თანახმად, ხვალ რომ საპარლამენტო არჩევნები იყოს, რესპოდენტთა 13% მხარს „ნაციონალურ მოძრაობას“ დაუჭერს, 11% კი კოალიცია „ქართულ ოცნებას“.

თბილისი, 19 ოქტომბერი  – Sputnik. საქართველოს ექს–პრეზიდენტ მიხეილ სააკაშვილის პარტია „ერთიან ნაციონალურ მოძრაობას“  მომავალ საპარლამენტო არჩევნებში მოსახლეობის 13% უჭერს მხარს, ხოლო მმართველ კოალიცია „ქართულ ოცნებას“ – 11%, ამას მეტყველებს ამერიკის ეროვნულ–დემოკრატიული ინსტიტუტის (NDI)  მიერ ჩატარებული კვლევები.

“საზოგადოებრივი განწყობა საქართველოში“ კვლევების მეორე ნაწლი შაბათს, 17 ოქტომბერს, საქართველოში  NDI-ს დირექტორმა ლორა ტორნტონმა(Laura Thornton)  გამოაქვეყნა. 

მთავრობის კანცელარია - Sputnik საქართველო
საქართველოს მთავრობის წევრები NDI–ს კვლევებს არ ენდობიან

გამოკითხვის შედეგების თანახმად, ხვალ რომ საპარლამენტო არჩევნები იყოს, რესპოდენტთა 13% მხარს „ნაციონალურ მოძრაობას“  დაუჭერს, 11% კი კოალიცია „ქართულ ოცნებას“. მიმდინარე წლის მონაცემებით კი კოალიციას მხარს 24% უჭერდა, „ნაციონალურ მოძრაობას“ კი 16%.

„საქართველოს პატრიოტთა ალიანსმა“ და ირაკლი ალასანიას „თავისუფალმა დემოკრატებმა“  მიღებული 4%–ით კვლევაში მესამე პოზიცია დაიკავეს. მეოთხე ადგილზე 3%–ით ლეიბორისტული პარტიაა.

სხვა პოლიტიკურ პარტიებს კი გამოკითხულთა 3%–მა დაუჭირა მხარი, ხოლო 14% არცერთ პოლიტიკურ ძალას არ ემხრობა.

კვლევის თანახმად, ხვალ რომ საპარლამენტო არჩევნები იყოს, გამოკითხულთა 49% მზადაა მომაწილეობა მიიღოს მასში, ხოლო 51% –უარს აცხადებს. არჩევნებში მონაწილეთაგან 15% მხარს „ნაციონალურ მოძრაობას“ დაუჭერს, ხოლო 14% – „ქართულ ოცნებას“.

ნაცმოძრაობის მიტინგი - Sputnik საქართველო
საქართველოს მოსახლეობამ არ იცის თუ ვის დაუჭერს მხარს 2016 წლის არჩევნებში

საქართველოში საპარლამენტო არჩევნები 2016 წლის შემოდგომაზე ჩატარდება. 

სოციოლოგიური კვლევა „საზოგადოებრივი აზრი საქართველოში“ 8 აგვისტოდან 10 სექტემბრამდე ჩატარდა.   წარმომადგენლობითი შერჩევისა და პირდაპირი ინტერვიურების გზით გამოიკითხა 4 ათას 448 ადამიანი. ხარვეზმა 3,1% შეადგინა. 

 NDI-ს კვლევებს შვედეთის საერთაშორისო განვითარებისა და თანამშრომლობის სააგენტო(SIDA) აფინანსებს, გამოკითხვებს კავკასიის კვლევათა რესურსების ცენტრი (CRRC) ატარებს. 

 

 

 

ყველა ახალი ამბავი
0