საერთაშორისო კონკურსში მისის სამყარო მთელი მსოფლიოდან 60-ზე მეტმა წარმომადგენელმა მიიღო მონაწილეობა, მთავარი პრიზი კანადელ ეშლი ბერმენს გადაეცა. იხილეთ ვიდეო, თუ როგორ მიმდინარეობდა დაჯილდოვების ცერემონია.
პლანეტის მთავარი ტიტულის გარდა, კანადელ მონაწილეს წილად "მისის ქველმოქმედებაც" ერგო,
იუწყება Sputnik ბელორუსია.
კონკურსანტები შვიდი დღის მანძილზე ბელორუსიაში იმყოფებოდნენ. მათი შეფასება თვითმფრინავის ტრაპზე
გადმოსვლისთანავე დაიწყო. მონაწილეებმა 1 კვირის განმავლობაში ბელორუსიის ბევრი კუთხე მიარეს: მათ
დაათვალიერებინეს, თუ როგორ იწყობა თვითმცლელი ბელაზები და სპეცრაზმის დანაყოფმა საკუთარი
საბრძოლო შესაძლებლობები უჩვენეს.
საერთაშორისო ყოველწლიური კონკურსი "მისის სამყარო" მინსკში პირველად ტარდება, ბელორუსიის დედაქალაქში
ჩავიდნენ ბულგარეთის, ბრაზილიის, დიდი ბრიტანეთის, ვენესუელის, ინდოეთის, ყაზახეთის, ყირგიზეთის, ლატვიის,
მალაიზიის, მალტის, მექსიკის, რუსეთის, უკრაინის და სხვა ქვეყნების წარმომადგენლები.
კონკურსი ტარდება 2007 წლიდან. ის იმით გამოირჩევა, რომ ეს არ არის უბრალოდ გასათხოვარი გოგოების სილამაზის
აღქმა, არამედ სოციალური პროექტია: ყოველ წელს მონაწილეები საკუთარ სამშობლოში არსებულ მნიშვნელოვან
პრობლემებსა და მისი მოგვარების მეთოდებზე საუბრობენ.
