სუეცის არხი „საცობისგან“ მთლიანად გათავისუფლდა

© photo: Sputnik / Mahmoud Ahmed / გადასვლა მედიაბანკშიგემები სუეცის არხში
გემები სუეცის არხში - Sputnik საქართველო, 1920, 03.04.2021
გამოწერა
არხი მუშაობდა სადღეღამისო რეჟიმში, რათა დაჩქარებული ტემპებით გაეტარებინა გემები, რომლებიც გაჭედილი კონტეინერმზიდის გამო „საცობში“ აღმოჩნდნენ

თბილისი, 3 აპრილი — Sputnik. მეჩეჩზე შემჯდარი კონტეინერმზიდ Ever Given-ის გამო „საცობში“ მოხვედრილმა 422-ვე გემმა სუეცის არხი გაიარა, განაცხადა არხის ადმინისტრაციის უფროსმა უსამა რაბიამ. ამის შესახებ წერს РИА Новости.

„22 მილიონი ტონა საერთო წყალწყვის 422-ვე გემმა, რომელიც Ever Given-თან დაკავშირებული ინციდენტის შემდეგ თავის რიგს ელოდა, სუეცის არხის კალაპოტი გაიარა“, - ნათქვამია რაბიას განცხადებაში.

მისი თქმით, ოპერაცია რეკორდულ ვადებში შესრულდა და არხის თანამშრომლების დიდ მიღწევას წარმოადგენს.

EVER GIVEN-ი სუეცის არხში - Sputnik საქართველო, 1920, 30.03.2021
Ever Given-მა სუეცის არხში შესვლამდე ზღვაზე მამაკაცის სასქესო ორგანო მოხაზა: ვიდეო

400-მეტრიანი და 224 ათასი ტონა წყალწყვის გემი Ever Given, რომელიც ჩინეთიდან ნიდერლანდებისკენ მიემართებოდა, 23 მარტს ერთ-ერთ ყველაზე გადატვირთულ საზღვაო მაგისტრალზე - სუეცის არხში გარდიგარდმო გაიჭედა და ნავიგაცია გადაკეტა. ორშაბათს ის რამდენიმე მცდელობის შემდეგ ადგილიდან დაძრეს. ოპერაციაში 15 საბუქსირო ხომალდი მონაწილეობდა.

რაბიას განცხადებით, სუეცის არხის დაბლოკვის შედეგად ზარალმა შესაძლოა 1 მლრდ დოლარს მიაღწიოს.

ყველა ახალი ამბავი
0