გარდაიცვალა დიდი მაესტრო ენიო მორიკონე

© photo: Sputnik / Ekaterina Chesnokova / გადასვლა მედიაბანკშიენიო მორიკონე
ენიო მორიკონე - Sputnik საქართველო
გამოწერა
მსოფლიოში აღიარებული მუსიკოსი – კომპოზიტორი, არანჟირების ოსტატი და დირიჟორი, რომელმაც სახელი გაითქვა თავისი არაჩვეულებრივი მუსიკით კინოსა და ტელევიზიისთვის, 91 წლის იყო.

თბილისი, 6 ივლისი — Sputnik. გარდაიცვალა დიდი იტალიელი კომპოზიტორი ენიო მორიკონე. ის 91 წლისა იყო, იუწყება Rainews24.

ენიო მარიკონე - Sputnik საქართველო
მაესტრო ენიო მორიკონე, რომელიც ვერ იტანს იასამნისფერს...

როგორც ტელეარხი იუწყება, მორიკონე დღეს, დილით რომის ერთ-ერთ კლინიკაში გარდაიცვალა დავარდნის შედეგად გამოწვეული გართულებების გამო – 91 წლის კომპოზიტორი საავადმყოფოში რამდენიმე დღის წინ თეძოს ძვლის მოტეხილობით მოხვდა.

ენიო მორიკონემ სახელი კინოსა და ტელევიზიისთვის შექმნილი ნამუშევრებით გაითქვა.

მაესტრო ორი „ოსკარის“ მფლობელი იყო. 2007 წელს ენიო მორიკონეს „ოსკარის“ პრემია კინემატოგრაფიაში შეტანილი წვლილისათვის მიენიჭა, ხოლო 2016 წელს ამერიკის კინოაკადემიის უმაღლესი ჯილდო მიიღო მუსიკისთვის, რომელიც შექმნა კვენტინ ტარანტინოს ფილმისთვის „საძულველი რვა“.

მორიკონეს მუსიკა ჟღერს უამრავ გახმაურებულ ფილმში: ბრაიან დე პალმას „ხელშეუხებელნი", სერჯო ლეონეს „ერთხელ ამერიკაში", „კარგი, ცუდი, ბოროტი“, რომან პოლანსკის „მოურჯულებელი", პედრო ალმოდოვარის „დამაბი", ფრანკო ძეფირელის „ჰამლეტი", საკულტო სერიალი „რვაფეხა" და სხვ.

არ მჯერა, რომ სამყაროს მუსიკა გადაარჩენს, მას ძალუძს მხოლოდ დააამოს იარები...>>

ენიო მორიკონემ 2018 წელს საქართველოში თავისი პირველი და ერთადერთი კონცერტი გამართა.

ყველა ახალი ამბავი
0