03:44 04 ივლისი 2020
პირდაპირი ეთერი
  • EUR3.4221
  • 100 RUB4.2811
  • USD3.0465
ტურიზმი
მოკლე ბმულის მიღება
ტურიზმი საქართველოში (260)
47 0 0

საქართველოს პრეზიდენტი აჭარის მთავრობის წარმომადგენლებს შეხვდა და ტურიზმის სფეროში არსებული ვითარება განიხილა

თბილისი, 5 ივლისი — Sputnik. საქართველოს პრეზიდენტმა სალომე ზურაბიშვილმა, რუსეთიდან ტურისტების რაოდენობის მოსალოდნელი შემცირების ფონზე, მოქალაქეებს შვებულების სამშობლოში გატარებისკენ მოუწოდა.

მთავრობამ ტურისტული დარგის გადარჩენის გეგმა შეიმუშავა>>

თბილისში საპროტესტო აქციები 20 ივნისის შემდეგ არ წყდება. საპროტესტო აქციებთან ერთად გამწვავდა ქართულ-რუსული ურთიერთობები. აქციებზე ანტირუსული ლოზუნგების გამო მოსკოვმა საქართველოსთან პირდაპირი ავიარეისები აკრძალა, რაც 8 ივლისიდან ამოქმედდება. ბოლო დრომდე რუსი ტურისტები, რაოდენობის მხრივ, საქართველოში ლიდერობდნენ.

„მინდა ვისარგებლო შემთხვევით და ყველას მოვუწოდო, საქართველოში გაატარეთ თქვენი შვებულება ამ წელს. ამ განცხადებას გავაკეთებ ძალიან მალე ბათუმში დაგეგმილ კონფერენციაზე, სადაც ძალიან ბევრი მაღალი დონის პარტნიორი ჩამოვა", - განაცხადა ზურაბიშვილმა ჟურნალისტებთან აჭარის მთავრობის წევრებთან შეხვედრის შემდეგ.

მისი თქმით, აჭარის ხელმძღვანელობასთან შეხვედრა საინტერესო იყო იმ თვალსაზრისით, რომ ამ რეგიონში მრავალი ახალი საინვესტიციო პროექტია.

„ჩემთვის საინტერესო იყო ის, რომ რეალურად არ შენელებულა ის მზარდი ტურიზმი, რომელიც ამ რეგიონისთვის უაღრესად მნიშვნელოვანია", - აღნიშნა ზურაბიშვილმა.

ტურიზმის ადმინისტრაცია: საქართველოს, შესაძლოა, 1 მილიონი რუსი ტურისტი მოაკლდეს>>

ტურიზმის ეროვნული ადმინისტრაცია ვარაუდობს, რომ რუსეთის მხრიდან საქართველოში პირდაპირი ავიამიმოსვლის აკრძალვის გამო საქართველომ წლის ბოლომდე შეიძლება დაახლოებით 1 მილიონი რუსი ტურისტი და 2 მილიარდ ლარამდე შემოსავალი დაკარგოს.

 

თემები:
ტურიზმი საქართველოში (260)

მთავარი თემები