05:45 26 იანვარი 2020
პირდაპირი ეთერი
  • EUR3.1870
  • 100 RUB4.6730
  • USD2.8870
სპორტი
მოკლე ბმულის მიღება
სპორტის ამბები (567)
51 0 0

ქართველმა ჩოგბურთელებმა ტეტ-ა-ტეტ დაამარცხეს ურუგვაის სპორტსმენები, მაგრამ წყვილთა შეხვედრაში წააგეს

თბილისი, 8 იანვარი — Sputnik. საქართველოს ჩოგბურთელთა ნაკრები ტოვებს ATP-cup ტურნირს ავსტრალიაში, მიუხედავად ურუგვაისთან მოპოვებული გამარჯვებისა ანგარიშით 2:1, ნათქვამია ორგანიზაციის ოფიციალურ ვებგვერდზე.

„ძალიან საწყენია...“ – ნიკოლოზ ბასილაშვილი სოციალურ ქსელში წერს >>

ალექსანდრე მეტრეველმა მოუგო ფრანკო რონკადელის ანგარიშით 6:2, 6:1, ხოლო ნიკოლოზ ბასილაშვილი პაბლო კუევასზე ძლიერი აღმოჩნდა - 6:4, 1:6, 6:4. თუმცა წყვილების შეხვედრაში ქართველმა ჩოგბურთელებმა ურუგვაის დაუთმეს - 2:6, 2:6.

ადრე საქართველოს ნაკრები დამარცხდა ესპანეთთან ანგარიშით 0:3 და იაპონიასთან ანგარიშით 1:2.

ამგვარად, საქართველოს ნაკრებმა B ჯგუფში ესპანეთისა და იაპონიის შემდეგ მესამე ადგილი დაიკავა.

10 იანვარს მეოთხედფინალში ესპანეთის ნაკრები ბელგიის ნაკრებს დაუპირისპირდება.

ATP-ს თასის გუნდური ტურნირი ჩოგბურთში ვაჟთა ნაკრებებს შორის 2020 წლის 3-12 იანვარს ავსტრალიაში იმართება. შეჯიბრებები ATP-ს ეგიდით სამ ქალაქში ტარდება: ბრისბენში, პერთში და სიდნეიში. ATP-ს თასი სეზონში პირველი მოსამზადებელი ტურნირია ავსტრალიის ღია პირველობის წინ.

თემები:
სპორტის ამბები (567)

მთავარი თემები