საქართველოს ფეხბურთის ნაკრებში დანაკარგებია: ვინ გამოაკლდება გუნდს

© Sputnik / STRINGERსაქართველო-დანია
საქართველო-დანია - Sputnik საქართველო
გამოწერა
ქართველმა ფეხბურთელმა ეროვნული გუნდის ვარჯიშის დროს ტრავმა მიიღო და ის სამ-ოთხ კვირას გამოტოვებს.

თბილისი, 2 სექტემბერი – Sputnik. საქართველოს ფეხბურთის ნაკრების ცენტრალური მცველი დავით ხოჭოლავა ვერ დაეხმარება თავის გუნდს ამხანაგურ მატჩში სამხრეთ კორეასთან და EURO-2020-ის შესარჩევ მატჩში დანიასთან.

უკრაინის „შახტიორის“ სახელით მოასპარეზე ქართველმა ფეხბურთელმა ტრავმა ეროვნული გუნდის ვარჯიშზე მიიღო. საქართველოს ნაკრების სამედიცინო შტაბმა ხოჭოლავას მხრის ამოვარდნა დაუდგინა. წინასწარი პროგნოზებით, ის სამ-ოთხ კვირას გამოტოვებს. ეს კი ნიშნავს, რომ მცველი ვერ დაეხმარება თავის გუნდს უეფას ჩემპიონთა ლიგის პირველ მატჩში „მანჩესტერ სიტის“ წინააღმდეგ.

საქართველოს ნაკრები დანიის წინააღმდეგ - Sputnik საქართველო
საქართველოს ფეხბურთის ნაკრებში ორი დებიუტანტი გამოიძახეს

ხოჭოლავას გარდა ტრავმირებულია ასევე საბა კვერკველია. მაისში მან მოსკოვის „ლოკომოტივის“ შემადგენლობაში თამაშის დროს ტრავმა მიიღო და დღემდე ფორმაში ვერ ჩადგა.

საქართველოს ნაკრები 5 სექტემბერს სამხრეთ კორეის წინააღმდეგ ამხანაგურ მატჩს გამართავს, ხოლო 9 სექტემბერს დანიასთან EURO-2020-ის შესარჩევ მატჩს ითამაშებს.

ევროპის ჩემპიონატის ოთხი საკვალიფიკაციო მატჩის შემდეგ საქართველოს ნაკრებს სამი ქულა აქვს და ის შესარჩევ D ჯგუფში მეოთხე ადგილს იკავებს. ვაისის შეგირდებმა წააგეს შვეიცარიასთან (0:2), ირლანდიასთან (0:1) და დანიასთან (1:5), ხოლო გამარჯვება მხოლოდ გიბრალტართან მოიპოვეს (3:0).

ყველა ახალი ამბავი
0