თბილისი, 12 დეკემბერი — Sputnik. საქართველოს ნაკრები ფეხბურთში პირველ ამხანაგურ მატჩს 2018 წელს აზერბაიჯანის ნაკრების წინააღმდეგ გამართავს, აღნიშნულია საქართველოს ფეხბურთის ფედერაციის ვებ-გვერდზე განთავსებულ განცხადებაში.
ეროვნულმა ფედერაციებმა პრინციპულ შეთანხმებას მიღწიეს — მატჩი გაიმართება 2 თებერვალს თურქეთის ანტალიაში, სადაც საქართველოს ეროვნულ გუნდს ვარჯიშები ექნება.
ამჟამად საქართველოს ნაკრები ფიფას რეიტინგში 104-ე ადგილზეა, ხოლო აზერბაიჯანის — 117-ეზე.
ქართველი და აზერბაიჯანელი ფეხბურთელები ერთმანეთს ექვსჯერ შეხვდნენ. ყველა შეხვედრა ამხანაგური იყო. ორივე გუნდს აქტივში ორ-ორი გამარჯვება აქვს, კიდევ ორი თამაში ფრედ დამთავრდა. ბურთების სხვაობით საქართველოა წინ — 8:6.
ასევე უნდა აღინიშნოს, რომ საქართველოსა და აზერბაიჯანის ნაკრებები უეფას ერთა ლიგის D ჯგუფის პირველ კალათაში არიან განთესილი.
უეფას ერთა ლიგის კენჭისყრა 2018 წლის 24 იანვარს გაიმართება, ხოლო ტურნირი ამავე წლის შემოდგომაზე დაიწყება.
