https://sputnik-georgia.com/20210816/jandacvis-saministro-mosaxleobas-mimarTavs-252594823.html
თუ ექიმი აცრაზე უარს გეუბნებათ: ჯანდაცვის სამინისტრო მოსახლეობას მიმართავს
თუ ექიმი აცრაზე უარს გეუბნებათ: ჯანდაცვის სამინისტრო მოსახლეობას მიმართავს
Sputnik საქართველო
საქართველოში მასობრივი ვაქცინაცია 5 ივლისს დაიწყო, მას შემდეგ, რაც ქვეყანამ ჩინური წარმოების Sinopharm-ის და Sinovac-ის ვაქცინების მილიონი დოზა მიიღო. 16.08.2021-ს, Sputnik საქართველო
2021-08-16T14:31+0400
2021-08-16T14:31+0400
2023-08-17T18:13+0400
საზოგადოება
ახალი ამბები
საქართველო
covid-19
https://cdnn1.img.sputnik-georgia.com/img/07e5/07/0c/252286371_0:178:3009:1870_1920x0_80_0_0_d6be7b73a663eeccb0c95f0c646e91ae.jpg
თბილისი, 16 აგვისტო – Sputnik. ქვეყანაში აქტიურად მიმდინარეობს საყოველთაო ვაქცინაციის პროცესი, თუმცა ამავე დროს პერიოდულად ფიქსირდება შემთხვევები, როდესაც ვაქცინაზე მისულ პირს ექიმი გარკვეული მიზეზების გამო უარს ეუბნება აცრაზე, ნათქვამია საქართველოს ჯანდაცვის სამინისტროს მიერ გავრცელებულ განცხადებაში.უწყების ცნობით, ზოგიერთ საეჭვო შემთხვევაში აღნიშნული უარი არ შეესაბამება არსებულ პროტოკოლს და უწყება მიმართავს მოსახლეობას, ვაქცინაზე უარის შემთხვევაში მიზეზის დაფიქსირება მოითხოვოს წერილობითი ფორმით, ხოლო აღნიშნული დოკუმენტი ხელმოწერილ განცხადებასთან ერთად გაგზავნოს სამედიცინო და ფარმაცევტული საქმიანობის რეგულირების სააგენტოს მეილზე regagency@moh.gov.ge, ან მიიტანოს ადგილზე, სამინისტროს მოქალაქეთა მისაღებში.„განცხადების დაფიქსირების შემდეგ რეგულირების სააგენტო შეისწავლის, თუ რამდენად საფუძვლიანი იყო ექიმის გადაწყვეტილება და იყო თუ არა პაციენტის მდგომარეობა აცრის უკუჩვენება“, – აღნიშნულია განცხადებაში.რამდენიმე დღის წინ აღნიშნულ საკითხზე დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემაც ისაუბრა და მოსახლეობას მოუწოდა, რომ ექიმს, რომელმაც აცრის რეკომენდაცია არ მისცა, შესაბამისი ჩანაწერის გაკეთება მოსთხოვონ.ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს. ასევე გაიზარდა გარდაცვალების შემთხვევების რაოდენობა.საქართველოში COVID-19-ის საწინააღმდეგო ვაქცინაციის რეკორდული მაჩვენებელი დაფიქსირდა>>სპეციალისტები აცხადებენ, რომ კორონავირუსის პანდემიას მხოლოდ მოსახლეობის ვაქცინაცია, პირბადის ტარება და დაწესებული შეზღუდვების დაცვა დაამარცხებს.დაავადებათა კონტროლის ცენტრის ინფორმაციით, 16 აგვისტოს მონაცემებით, ჯამურად ჩატარდა 806.681 აცრა, აქედან სრულად (ორჯერადად) ვაქცინირებულია 238.871 ადამიანი.
https://sputnik-georgia.com/20210813/imnaZe-roca-eqimi-acris-rekomendacias-ar-gaZlevT-252574023.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საზოგადოება, ახალი ამბები, საქართველო, covid-19
საზოგადოება, ახალი ამბები, საქართველო, covid-19
თუ ექიმი აცრაზე უარს გეუბნებათ: ჯანდაცვის სამინისტრო მოსახლეობას მიმართავს
14:31 16.08.2021 (განახლებულია: 18:13 17.08.2023) საქართველოში მასობრივი ვაქცინაცია 5 ივლისს დაიწყო, მას შემდეგ, რაც ქვეყანამ ჩინური წარმოების Sinopharm-ის და Sinovac-ის ვაქცინების მილიონი დოზა მიიღო.
თბილისი, 16 აგვისტო – Sputnik. ქვეყანაში აქტიურად მიმდინარეობს საყოველთაო ვაქცინაციის პროცესი, თუმცა ამავე დროს პერიოდულად ფიქსირდება შემთხვევები, როდესაც ვაქცინაზე მისულ პირს ექიმი გარკვეული მიზეზების გამო უარს ეუბნება აცრაზე, ნათქვამია საქართველოს ჯანდაცვის სამინისტროს მიერ გავრცელებულ
განცხადებაში.
უწყების ცნობით, ზოგიერთ საეჭვო შემთხვევაში აღნიშნული უარი არ შეესაბამება არსებულ პროტოკოლს და უწყება მიმართავს მოსახლეობას, ვაქცინაზე უარის შემთხვევაში მიზეზის დაფიქსირება მოითხოვოს წერილობითი ფორმით, ხოლო აღნიშნული დოკუმენტი ხელმოწერილ განცხადებასთან ერთად გაგზავნოს სამედიცინო და ფარმაცევტული საქმიანობის რეგულირების სააგენტოს მეილზე regagency@moh.gov.ge, ან მიიტანოს ადგილზე, სამინისტროს მოქალაქეთა მისაღებში.
„განცხადების დაფიქსირების შემდეგ რეგულირების სააგენტო შეისწავლის, თუ რამდენად საფუძვლიანი იყო ექიმის გადაწყვეტილება და იყო თუ არა პაციენტის მდგომარეობა აცრის უკუჩვენება“, – აღნიშნულია განცხადებაში.
რამდენიმე დღის წინ აღნიშნულ საკითხზე დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემაც ისაუბრა და მოსახლეობას მოუწოდა, რომ ექიმს, რომელმაც აცრის რეკომენდაცია არ მისცა, შესაბამისი ჩანაწერის გაკეთება მოსთხოვონ.
ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს. ასევე გაიზარდა გარდაცვალების შემთხვევების რაოდენობა.
სპეციალისტები აცხადებენ, რომ კორონავირუსის პანდემიას მხოლოდ მოსახლეობის ვაქცინაცია, პირბადის ტარება და დაწესებული შეზღუდვების დაცვა დაამარცხებს.
დაავადებათა კონტროლის ცენტრის ინფორმაციით, 16 აგვისტოს მონაცემებით, ჯამურად ჩატარდა 806.681 აცრა, აქედან სრულად (ორჯერადად) ვაქცინირებულია 238.871 ადამიანი.
