02:42 12 მაისი 2021
პირდაპირი ეთერი
  • EUR4.1656
  • 100 RUB4.6357
  • USD3.4271
საზოგადოება
მოკლე ბმულის მიღება
თბილისის მერია (359)
109 0 0

ავტობუსი მგზავრებს დიდი დიღმიდან „სარაჯიშვილის“ მიმართულებით მოემსახურება, მარშრუტზე 15-წუთიანი ინტერვალით 12-მეტრიანი BMC მარკის ავტობუსები იმოძრავებს.

თბილისი, 16 აპრილი — Sputnik. 17 აპრილიდან დედაქალაქში ახალი, ინტეგრირებული მარშრუტი ამოქმედდება, რომელზეც N321 ავტობუსი იმოძრავებს, იუწყება დედაქალაქის მერია.

ავტობუსი მგზავრებს დიდი დიღმიდან მეტროს სადგურ „სარაჯიშვილის“ მიმართულებით მოემსახურება.

მერიის ინფორმაციით, ავტობუსი იმოძრავებს წრიული მარშრუტით: დიდი დიღმის IV მიკრორაიონი (დემეტრე თავდადებულის ქუჩა, მეექვსე კორპუსის მიმდებარე ტერიტორია) – დიდი დიღმის IV მიკრორაიონი (დ. თავდადებულის ქუჩა – არჩილ მეფის ქუჩა) – დიდი დიღმის III – I მიკრორაიონი (მირიან მეფის ქუჩა) – ჯორჯ ბალანჩინის ქუჩა – გიორგი მინდელის ქუჩა – თენგიზ შეშელიძის ქუჩა – მეტროს სადგურ „სარაჯიშვილის“ მიმდებარე ტერიტორია.

ახალი ავტობუსი დიდ დიღომში გაივლის მირიან მეფის ქუჩის იმ ნაწილსაც, სადაც აქამდე საზოგადოებრივი ტრანსპორტი არ მოძრაობდა. კერძოდ, მუნიციპალური ავტობუსი იმოძრავებს კლინიკა „იმედი L”-ის მიმართულებითაც.

თბილისში  N6 და N20 მარშრუტებზე  ყვითელი ავტობუსები აღარ იმოძრავებს >>>

N321 მარშრუტზე 15-წუთიანი ინტერვალით 12-მეტრიანი BMC მარკის ოთხი ავტობუსი იმოძრავებს.

სულ თბილისის სატრანსპორტო კომპანიის ავტოპარკი ბოლო პერიოდში 580 ავტობუსით განახლდა. დამატებით კიდევ 100 ერთეული 12-მეტრიანი BMC-ს მარკის ავტობუსი დედაქალაქში უახლოეს მომავალში შემოვა.

საკოორდინაციო საბჭოს გადაწყვეტილებით, საზოგადოებრივმა ტრანსპორტმა მთელი ქვეყნის მასშტაბით, მათ შორის, თბილისში, რუსთავსა და ქუთაისში მუშაობა 8 თებერვლიდან განაახლა.

თბილისში 8 თებერვლიდან ავტობუსები, მიკროავტობუსები და მეტრო მგზავრებს 21:00 საათამდე ემსახურება.

თემები:
თბილისის მერია (359)

მთავარი თემები