06:42 07 მარტი 2021
პირდაპირი ეთერი
  • EUR3.9640
  • 100 RUB4.4518
  • USD3.3202
საზოგადოება
მოკლე ბმულის მიღება
საქართველოს პოლიტიკური ცხოვრება (308)
106 0 0

ქართულ მასმედიაში გავრცელებული ინფორმაციით, ცესკოს თავმჯდომარე თამარ ჟვანია თანამდებობას პირადი განცხადების საფუძველზე დატოვებს.

თბილისი, 19 თებერვალი – Sputnik. საქართველოს ცენტრალურ საარჩევნო კომისიაში თამარ ჟვანიას გადადგომის შესახებ ინფორმაცია უარყვეს. 

პარასკევს ოპოზიციურმა ტელეარხმა Formula-მ საკუთარ წყაროზე დაყრდნობით გაავრცელა ინფორმაცია, რომ ცესკოს თავმჯდომარე თამარ ჟვანია საკუთარი განცხადების საფუძველზე თანამდებობის დატოვებას გეგმავს. ამასთან, გამოითქვა ვარაუდი, რომ მისი გადაწყვეტილება შექმნილ პოლიტიკურ ვითარებას და გიორგი გახარიას მიერ პრემიერის პოსტის დატოვებას უკავშირდება.

„თამარ ჟვანიას თანამდებობა არ დაუტოვებია. გავრცელებული ინფორმაცია სინამდვილეს არ შეესაბამება“, – განაცხადეს ცესკოს პრეს-სამსახურში.

აღსანიშნავია, რომ ტელეარხმა Formula-მ პრემიერის გადადგომის შესახებ ინფორმაცია გახარიას განცხადებამდე რამდენიმე დღით ადრე გაავრცელა, ამიტომაც ტელეარხის დღევანდელმა ინფორმაციამ საზოგადოებაში რეზონანსი გამოიწვია.

ოპოზიცია ცესკოს 2020 წლის საპარლამენტო არჩევნების შედეგების გაყალბებაში სდებს ბრალს. საარჩევნო ადმინისტრაციის ცვლილება იმ ოპოზიციური პარტიების ერთ-ერთი მოთხოვნაა, რომლებიც საკანონმდებლო საქმიანობას ბოიკოტს უცხადებენ.

თამარ ჟვანიას ცესკოს თავმჯდომარის პოსტი 2013 წლიდან უჭირავს. 2018 წლის დეკემბერში იგი აღნიშნულ თანამდებობაზე მეორედ აირჩიეს.

თემები:
საქართველოს პოლიტიკური ცხოვრება (308)

მთავარი თემები